Beatrix
Úr Wikipediu, frjálsa alfræðiritinu
Beatrix (Beatrix Wilhelmina Armgard) (f. 31. janúar 1938) er Hollandsdrottning og hefur gegnt starfi þjóðhöfðingja síðan 30. apríl 1980, þegar móðir hennar, Júlíana drottning, eftirlét dóttur sinni hásætið. Þegar Beatrix var ung stúlka, flúðu móðir hennar og systur Holland þegar Þjóðverjar réðust inn í landið í seinni heimsstyrjöldinni, fyrst í stað til Bretlands árið 1940, og svo til Ottawa í Kanada.
[breyta] Fjölskylda
Árið 1965 trúlofaðist Beatrix þýskum manni að nafni Claus Van Amsberg (f. 6. september 1926, d. 6. október 2002). Val hennar á eiginmanni var umdeilt og olli miklum mótmælum þar sem unnusti hennar hafði verið í Hitlersæskunni. Þau eignuðust þrjá syni: Willem-Alexander (f. 1967), Johan-Friso (f. 1968) og Constantjin (f. 1969).
