Bittorrent
El Vikipedio
BitTorrent estas nomo de samtavola dosierdisŝuta protokolo, kaj libera bitvara implemento de tiu protokolo. La protokolo estis originale kreita de programisto Bram Cohen, kaj nun zorgata de firmao Bittorrent, Inc.. Bittorrent estis kreita por distribui grandajn kvantojn da datenoj tra la mondo, sen malŝpari multe da konekteco. CableLabs esplora organizaĵo de la Nordamerika kabla industrio, kredas ke Bittorrent reprezentas 55 % de ĝia elsenda trafiko.
La unua Bittorrent-kliento estis verkita per Python. Ĝia fontkodo, ekde la versio 4.0, estas eldonita sub licenco Bittorrent Open Source License, kiu estas bazita sur la Jabber Open Source License. Ekzistas pluraj kongruaj klientoj, skribitaj per pluraj programlingvoj, kiuj funkcias ĉe pluraj komputilplatformoj.
