Dnestro
El Vikipedio
La rivero Dnestro (ukraine Дністер/Dnister, moldave/rumane Nistru, pole Dniestr, ruse Днестр/Dnestr, dum antikvaj tempoj latine Tyras) estas 1.352 kilometrojn longa rivero en Ukrainio kaj Moldavio, kiu alfluas la Nigran Maron.
[redaktu] Akvofluo
La rivero fontas en la arbaroj de la ukraina parto de la montaro Karpatoj, ĉe urbeto Starij Sambir (ukraine Старий Самбір) proksime de la pola limo.
Fluante sudorienten, ĝia akvo pasas la akvobaraĵon de Dubosari. Poste alfluas ĝin la rivero Bîc. Kelkajn kilometrojn sude de Odeso la rivero alfluas la Nigran Maron. La larĝa delto de la rivero konsistas el pluraj riverobranĉoj, kies akvo fluas en marĉan lagunon kun nomo Dnistrovski Liman (ukraine Дністровський лиман) kaj areo de 40 oble 10 kilometroj. Inter la alfluo kaj la meza parto 500 kilometroj de la rivero estas paseblaj per modernaj ŝipoj.
Dum proksimume 70 tago de la jaro la rivero estas kovrita per glacio.
[redaktu] Ekonomio
La rivero gravas por ŝipa fortransporto de agrikulturaj produktoj kiel greno, legomoj, sunfloraj kernoj, bestoj kaj ligno.
[redaktu] Ligoj
- rivera mapo, anglalingva
- la rivero en la germana leksikono Meyer de la jaro 1888 (volumo 5, paĝo 15)
- rememoroj pri la rivero, germanlingvaj
