Finnlanda Esperantista Junulara Organizo
El Vikipedio
Finnlanda Esperantista Junulara Organizo (FEJO) estas Landa sekcio de TEJO en Finnlando kaj junulara membro-asocio de Esperanto-Asocio de Finnlando. Ĝia celo estas disvastigi esperanton inter junularo, ligi junajn esperantistojn en Finnlando kaj uzi esperanton por avantaĝo de junularo. FEJO estis fondita en jaro 1977.
Enhavo |
[redaktu] Agado
Junularaj esperantorenkontiĝoj, FEJO-semajnfinoj, okazas ĉirkaŭ dufoje en jaro en ajna parto de Finnlando.
FEJO havas interŝanĝan kontrakton kun Itala Esperanto-Junularo. Ĉiujare du junaj FEJO-anoj povas partopreni IJF en Italio kun financa subvencio de Eduka ministrejo de Finnlando.
En 2000 kaj 2005 FEJO kunorganizis KEF en Helsinki.
[redaktu] Membro-asocioj
FEJO havas du membro-asociojn:
- EsperHe (Esperanto en Universitato de Helsinko)
- JEH (Junularo Esperanta en Helsinki, momente malaktivas)
La Diskejo de FEJO estas sed servo realigita de FEJO .
[redaktu] Historio
Prae FEJO iĝis fondita en jaro 1973, kiam Esperanto-klubo Lingvoponto en Kuopio (orienta Finnlando) organizis kvintagan junularan kongreson. Tiu fondo de FEJO ne tamen atingis oficialan registradon de la asocio kaj ĝia agado velkis for dum la sekva jaro.
Denove oni fondis FEJO-n la 26an de februaro 1977. Post tio FEJO ankaŭ iĝis registrita en la oficiala registro pri asocioj en Finnlando, kaj ankaŭ membroasocio de EAF kaj landa sekcio de TEJO.
Dum sia historio FEJO kutime havis kelkajn dekojn da membroj. La plej grandaj nombroj estis en komenco de la okdekaj jaroj, ĉ. 50 ordinaraj kaj 30 subtenaj membroj. Tiutempe la membroj en aĝo de maksimume 25 jaroj estis ordinaraj, pli aĝaj ol tio estis subtenaj. En komenco de naŭdekaj jaroj FEJO ŝanĝis sian statuton tiel, ke nun la aĝlimo de ordinaraj membroj estas 30 jaroj.
Elstaraj okazoj en historio de FEJO estas kelkaj grandaj internaciaj eventoj:
- IJK en Rauma en jaro 1980. El tiu kongreso venas la koncepto de ”raŭmismo” en la Esperanto-movado. Pli ol 300 partoprenantoj el 31 landoj.
- Kvinpinta Semajno en Naantali en jaro 1990. 50 finnaj kaj 127 eksterlandaj partoprenantoj.
- KEF en Helsinki en jaro 2000. 200 partoprenantoj el pli ol dudeko da landoj.
- KEF en Helsinki en jaro 2005. 120 partoprenantoj el dudeko da landoj.
FEJO ĉiam kutimis fari por siaj membroj bultenon, kies nomo estas – ĉu surprize – FEJO-Bulteno. Ĝi aperis iam en formo de vera (kvankam eta) gazeto, kun artikoloj kaj ilustraĵoj, sed alifoje en formo de simpla letero al la membroj.
Krom la Bulteno aperis ekde jaro 1985 ĝis jaro 2002 gazeto Kvinpinto, kiun faris kunlabore la junularaj Esperanto-organizoj FEJO, SEJU en Svedio, NJE en Norvegio kaj DEJO en Danio. La organizoj laŭscie neniam faris decidon, ke Kvinpinto ĉesu aperi, sed en la nova mondo de la interreto ŝajne ĉesis ekzisti bezono por tia gazeto, kaj ĝi do post intertempa hazarda aperado tute ĉesis aperi.
Ekde la unua jaro ĝis 1991 FEJO kutimis havi Somerajn Tagojn, kutime unu semajnfinon, sed iam pli longe. Kvanto da partoprenantoj variis, iam estis eĉ kelkaj dekoj, sed iam tre malmultaj. Ofte estis ankaŭ eksterlandanoj. En 1991 la tradiciaj Someraj Tagoj pro manko de partoprenantoj ne okazis kaj ankaŭ en la postaj jaroj la evento ne reviviĝis. Poste la ripetantaj eventoj estas nomitaj FEJO-semajnfinoj, kiujn oni organizas malregule en ajna tempo de jaro, laŭ intereso kaj eblecoj de la aktivuloj.
