Gregory Peck
El Vikipedio
Gregory PECK (* la 5-an de aprilo 1916, † la 12-an de junio 2003) estis usona film-aktoro.
Li naskiĝis en Kalifornio, en La Jolla, kiel Eldred Gregory Peck. Kiel 10-jara li estis sendita al rom-katolika milita lernejo en Los Angeles. Post abiturientiĝo li studis unu jaron en la universitato de San Diego, certan tempon laboris ĉe petrol-kompanio kaj en 1936 komencis studi ĉe Kalifornia Universitato en Berkeley kaj ludi en lerneja teatro. En 1939 li transiris al Novjorko por studi ĉe Neighborhood Playhouse.
Li rolis en pli ol kvindeko da filmoj, ekz. Miliona bankbileto laŭ Mark Twain, en aventuraj filmoj el Sovaĝa Okcidento, en psikologiaj flmoj de Alfred Hitchcock, batalis kun infana diablo, rolis kiel Lincoln, oficiro, eĉ kiel nazia Josef Mengele ktp.
En 1989 li ricevis premion por la tutviva verkaro de la Amerika Film-Instituto.
Peck edziĝis en 1942 al Greta, kun kiu li havis tri filojn (Jonathan, Stephen, Carey). Post divorco en 1954 li edziĝis al Veronique Passani, kun kiu li havis du infanojn (Anthony, Cecilia) kaj ĉe kiu li mortis en la aĝo de 87 jaroj en ilia hejmo en Los Angeles.
[redaktu] Filmoj de Gregory Peck
Days of Glory (1944)
Keys of the Kingdom' (1944) Oskar-kandidatiĝo
The Yearling (1946) Oskar-kandidatiĝo
Gentleman's Agreement (1947) Oskar-kandidatiĝo
Twelve O'Clock High (1949) Oskar-kandidatiĝo
Roman Holliday (1953)
To Kill a Mockingbird (1962 ) Oskaro
Moby Dick (1956, ĉefrolo de Ahab)
The Stalking Moon (1969)
MacArthur (1977)
The Boys from Brazil (1978)
Amazing Grace and Chuck (1987)
Old Gringo (1989)
Cape Fear (1991)
Moby Dick (1998, flankrolo)
 |
 |
 |
 |
