Hydropolis
El Vikipedio
Hydropolis aŭ Hidropolis estas la unua planita subakva, plurĉambra hotelo de la mondo. Oni planas ĝin konstrui en la Persa Golfo, antaŭ Dubajo laŭ planoj de la germana arĥitekto Joachim Hauser. Dubajo volas tiel akiri pluan turisman allogaĵon.
Hydropolis - laŭ informoj, planoj en 2006 - estas planata 20 m sub la akvosurfaco kaj kun 220 ĉambroj, (tuta subakva surfaco de ĉ. 75.000 m²). La hotelon interligas al la kontinenta konstruaĵo (30.000 m²) pleksivitra tunelo. Oni kalkulas la kostojn je ĉ. 455 milionoj da eŭroj. La konstrujaro ankoraŭ ne estas fiksita.
Por elteni la akvopremon, la ekstera ŝelo de la hotelo estos produktita el 18 cm-dika pleksivitro.
Por apogi la konatecon de la plano, Hydropolis estas en Germanio ĉefa sponsoro de piedpilka asocio VfB Lübeck.
