Jacob Roggeveen
El Vikipedio
Jacob Roggeveen (14-a de januaro 1659- 31-a de januaro 1729) estis nederlanda esploristo kiu havis la mision malkovri Sudlandon (la nuna Aŭstralio) sed li hazarde malkovris Paskinsulon.
La patro de Jacob, Arent Roggeveen, estis matematikisto kun ankaŭ multe da scio pri astronomio, geografio kaj la teorio de la navigacio. Li okupis sin per esplorado al la Sudlando, kaj eĉ akiris patenton por esplorvojaĝo, sed estis lia filo kiu je la aĝo 62 jaroj finfine ekipis tri ŝipojn kaj faris la vojaĝon.
En aŭgusto 1721 li foriris kun sia esplorvojaĝo, dungita de la West Indische Compagnie (WIC) (Okcidenthindia Kompanio), por serĉi la Sudlandon. Li vojaĝis ĉirkaŭ Kabo Horno al la Pacifiko. Li vizitis la Juan Fernandez Insularon kaj je la 5-a de aprilo 1722 (paskodimanĉo) li malkovris Paskinsulon. Tra la Toamotu Insularo, la Societa Insularo kaj Samoo li veturis al Batavio (la nuna Ĝakarto). Tie li estis malliberigita ĉar li trarompus la monopolon de la Vereenigde Oostindische Compagnie (VOC) (Unuiĝinta Orienthindia Kompanio), sed la VOC poste estis devigita liberigi lin, pagi la malprofiton kaj al la ŝipanoj la salajron. En 1723 Roggeveen revenis en Nederlando.
