Kvar Valoj
El Vikipedio
La Kvar Valoj (perse: Chahár Vádí) estas libro verkita de Bahá'u'lláh, Profeto-Fondinto de la Bahaa Kredo. La Sep Valoj (perse: Haft-Vádí) ankaŭ estis verkita de Bahá'u'lláh, kaj la du libroj estas kutime kune eldonita sub la titolo "La Sep Valoj kaj la Kvar Valoj". La du libroj estas distinge malsimilaj kaj ne havas rektan rilaton.
| Bahaa Ortografio | |
|---|---|
| Por klarigoj pri la transskribado de la nomoj arabaj kaj persaj per okcidentaj literoj, vidu la artikolon de Vikipedio titolitan: « Bahaa Ortografio ». |
|
Enhavo |
[redaktu] La Kvar Valoj
La "Kvar Valoj" estis verkita ĉirkaŭ 1857 en Bagdado, responde al demandoj de 'Abdu'r-Raḥmán, la "honorita kaj nedisputebla gvidanto" de la Qádiríyyih ordeno de Sufismo. Li neniam fariĝis kredanto sed estis konata admiranto de Bahá'u'lláh. Ĉefaj gvidantoj de la Ordeno eĉ nun scias pri tiu ĉi fono.[1]
En la libro, Bahá'u'lláh priskribas kvar specojn de homoj : "Tiuj, kiuj progresas en mistika vagado estas kvar specoj."
[redaktu] Vortuzado
Estas iom malfacila traduki tekston verkitan en poetisma stilo, kun referencoj al konceptoj de Sufismo, kiuj estas fremdaj en la Okcidento. Kelkaj nomoj restas en la originalaj arabaj formoj. Ekzemple, Maqṣúd (la "Intencito"), en tiu ĉi libro estas uzata rilate al la sankta Kaabo en Mekko kaj estas adjektivo por ĝi, t.e., ĝi signifas "la intencita Kaabo", tamen el la kunteksto estas klara, ke ĝi ne estas fizika loko sed unu el la gradoj sur la pado al Dio.
[redaktu] Enhavo
Tiu ĉi epistolo ŝajne enhavas multajn temojn, kiel interpretadon de sanktaj skriboj, religiaj kredoj kaj doktrinoj de la pasinteco. La temoj traktitaj inkludas : Mistikaj Skriboj, sciado, dia filozofio, misteroj de kreado, medicino, alĥemio, ktp.
Tra la libro Bahá'u'lláh admonas la homojn al edukado, bona karaktero kaj diaj virtoj.
[redaktu] Bibliografio (en la angla)
- http://reference.bahai.org/en/t/b/SVFV/ Interreta teksto de la Sep Valoj kaj Kvar Valoj
- http://www.newartisans.com/johnw/intro.seven.valleys.html Enkonduko al la Sep Valoj
- http://bahai-library.com/?file=wilmette_haft_vadi_outline.html Interreta studado de la Sep Valoj
