Le Colonel Chabert
El Vikipedio
le Colonel Chabert (Kolonelo Ŝaber') estas:
1) Romaneto de Honoré de Balzac, franca romanisto, rakontanta historion de oficiro en la armeo de Napoleono, el popola deveno, eligito de la revoluciaj armeoj, kiu iĝinta riĉa edziĝis al nobela virino, ili havis infanojn, belan kastelon, estis feliĉaj, ktp. Dum batalo de Eylau, li restas serioze vundita inter la mortintoj, kaj ĉiuj kredas lin morta, sed li revenas al vivo, kaj homoj, kiuj vagis sur la batalkampo por prirabi, trovis lin, flegis lin, savis lian vivon. Post 20 jaroj li revenas en Francion. Li do rajtas rehavi sian edzinon, kaj posedaĵojn. Sed la virino reedziniĝis kun ambicia nobelo monarkiisma, (ĉar nun estas la epoko Restaŭro, kaj denove la reĝoj regas), kaj ŝi timas ĉion perdi. Kaj kvankam ŝi bone rekonas lin, ŝi neas, ke li estas ŝia eksa edzo. Li fine retrovas sin mizera en maljunulejo.
2) Filmo (1994), reĝisoro Yves Angelo, kun Gérard Depardieu en la rolo de Chabert, Fanny Ardant en tiu de la edzino, kaj Fabrice Lucchini en tiu de la Notario, ankaŭ notinda mallonga sed neforgesebla rolo far Claude Rich en monduma amiko de la nova ambicia edzo. La filmo estas multe pli riĉa, ĉefe psikolologie, ol la romaneto, tre fajne sugestatas la kompleksaj kaj intensaj intimaj sentoj. Cetere la bildoj belas, kaj bone bildigas la epokon; krome kaj krone la muziko, eltirita de valoregaj pecoj de klasika muziko, estas ege bela kaj emociega.
La filmo premiitis per la "Ora piramido" en la Kajra internacia filmfestivalko en 1994, kaj Fabrice LUCCHINI recvis la premion de plej bona duaranga rolo en Festival de Cannes 1995.
