Mario Adorf
El Vikipedio
Mario ADORF [marjo adorf] (naskiĝis la 8-an de septembro, 1930) estas aktoro kaj verkisto.
Mario Adorf naskiĝis en Zuriko, Svislando, kiel filo de germana rentgen-asistantino kaj itala kuracisto. La gepatroj neniam vivis kune, kaj li pasigis sian junaĝon en Germanio ĉe sia patrino. Kiel juna viro li iam vizitis sian patron, sed ili apenaŭ sukcesis komuniki, ĉar la patro parolis nur itale kaj la filo nur germane.
Ekde 1950 li studis filozofion kaj teatran sciencon en Majenco. En 1953 li transloĝiĝis al Zuriko, kie li daŭrigis siajn studojn kaj eklaboris en teatro.
Ekde 1955 Mario Adorf agadis en la Munkena ensemblo Münchener Kammerspiele. Unuan filmrolon li ricevis en la jaro 1954. Komence la publiko vidis lin ĉefe en la rolo de fripono, sed dum sia kariero li pli kaj pli pruvis sian multfacetan talenton, konvinkante en komikaj kaj dramecaj roloj.
Ekde la 1990-aj jaroj li ankaŭ verkas librojn.
[redaktu] Listo de filmoj
- 08/15 (Germanio, 1954)
- Robinson soll nicht sterben (Germanio, 1956)
- Nachts, wenn der Teufel kam (Germanio, 1957)
- Das Mädchen Rosemarie (Germanio, 1958)
- Das Totenschiff (Germanio/Meksiko, 1959)
- Am Tag, als der Regen kam (Germanio, 1959)
- Schachnovelle (Germanio, 1960)
- A cavallo della tigre (Italio, 1961)
- Winnetou I (Germanio/Jugoslavio/Francio, 1963), rolo de Frederick Santer
- Die verlorene Ehre der Katharina Blum (Germanio, 1975)
- Bomber und Paganini (Germanio/Aŭstrio, 1976)
- Die Blechtrommel (Germanio/Francio, 1979)
- Lola (Germanio, 1981)
- Momo (Germanio, 1985)
- Der Schattenmann (televidserio, Germanio,1995-1996)
- Rossini (Germanio, 1996)
[redaktu] Listo de libroj
- Der Mäusetöter (rakontoj, 1992)
- Der Dieb von Trastevere (rakontoj, 1994)
- Der Fenstersturz (rakontoj, 1996)
- Der römische Schneeball (rakontoj, 2000)
- Himmel und Erde (memoroj, 2004)
