Masklismo
El Vikipedio
maskl/ism/o: el la hispana machismo, siavice el macho, t.e. masklo.
Masklismo estas la konduto, ke viroj, maskloj aŭ malinoj estas laŭdifine superaj al (vir)inoj, kaj ke tiu supozata aŭ pretendata supereco (fizika, intelekta aŭ [[dio))-vola) pravigas superan rolon por viroj en la socio, kaj do malsuperan por virinoj. Masklistojn karakterizas konservativaj opinioj koncerne la rolon de virinoj; ili do oponas aktivan partoprenadon de virinoj en sociaj sferoj, kiujn ĝis nun okupis ĉefe viroj, ekz. en sporto aŭ en multaj profesioj.
Dirante sin reprezentantoj de viroj kaj eĉ de vireco ĝenerale, masklistoj kutime oponas ankaŭ samseksamon kaj foje malrespektas, insultas, atakas aŭ eĉ persekutas samseksamulojn.
En multaj ŝtatoj de okcidenta Eŭropo virinoj ricevas malpli altan salajron ol viraj kolegoj por la sama farata laboro. Ankaŭ tio estas ekzemplo de masklismo.
La malon de masklismo oni nomas feminismo aŭ inismo. Origine movado por respondi al aŭ por batali kontraŭ masklismo, de ĝi ekzistas nuntempe ankaŭ foje akraj kaj cinikaj formoj.
