Miĥail Mandrik
El Vikipedio
Mihail Petroviĉ MANDRIK (naskiĝis 1902, mortis la 22-an de decembro 2003), estis rusa esperantisto kaj honora membro de UEA.
Li lernis Esperanton en 1921 kaj persone konis tiamajn eminentulojn (Drezen, Nekrasov, Devjatnin k.a.).
En 1936 li estis kondamnita je kvin-jara punlaboro.
Ekde 1947 li gvidis kursojn laŭ propra adapto de Cseh-metodo, estis sekretario, prezidis E-organizaĵojn. Post 1974 li loĝis en Gomel, kie li fondis kaj gvidis klubon Konkordo.
Arte talenta homo, li desegnis kaj pentris, ludis kelkajn muzikilojn, verkis proze, poezie kaj tradukis. Li verkis ambaŭdirektan vortareton por ruslingvanoj, lernolibron ABC de Esperanto, dudekon da rakontoj, aŭtobiografion Amara vojo.
