Osako

El Vikipedio

Geografio > Azio > Orienta Azio > Japanio > Honshu > Kinki regiono > Osaka prefektujo > Osako < Urboj

---

• Koordinatoj: 34° 40' N, 135° 30' E ^Mapo
• Horzono: GMT+9h (ne somera tempo)
• Loĝantaro: 2.474.579 (en 2002).
• Areo: 221.30km².
• Denseco: 11.182/km².

Osako (japane: 大阪 [Oosaka]), aŭ La urbo Osaka (大阪市 [Oosaka-ŝi]), industria havenurbo en okcidenta Japanio. Ĝi situas okcident-suda marbordo de la ĉefinsulo Honshu, en Osaka prefektujo.

Osako estis ĉefurbo kaj vicĉefurbo de Japanio en antikva tempo (7a kaj 8a jc.). Ĝi restis la dua plej granda kaj la unua plej granda industria urbo en Japanio ekde la 16a jc. ĝis meze de la 20a jc. Nun laŭ loĝantaro ĝi estas la tria post Tokio kaj Jokohamo.

Osako estis fama pro sia interplektita reto de riveroj kaj kanaletoj, kiuj fluas tra la urbo, kaj pro la multeco de pontoj. Oni pro tio alinomis ĝin 'Urbo de okcent ok pontoj'. Multaj el la kanaletoj estis tamen talusitaj dum la intensa industriiĝo en la 1960oj kaj 1970oj.

• Osako estas nakiĝurbo de Ogata Tomosaburo.
• Osako estis loĝurbo de Kobajaŝi Mokiĉi.