Padovo

El Vikipedio

Eŭropo > Italio > Urboj de Italio > Padovo

Baziliko de Sankta Antonio

Padovo (itale Padova [pAdova]) estas urbo kun 210.536 loĝantoj, ĉefurbo de samnoma provinco en Veneto.

• Koordinatoj: 45° 25' N, 11° 53' E ^Mapo

Ĝi estas sidejo de malnova universitato kaj posedas multajn atestaĵojn de glora kultura kaj arta pasinteco. Pro tio Padovo estas celo de multaj turistoj, kaj nuntempe ankaŭ grava ekonomia centro.

En katolikismo Padovo estas tre konata pro Sankta Antonio de Padovo.

[redaktu] Historio

Tradicio asertas, ke Padovon (same kiel Romon) fondis grupo da rifuĝintoj el Trojo, gvidataj de Antenoro.

Antikva Padovo situis ĉe rivero Brenta, kiu tiam nomiĝis Medoacus kaj fluis en la nuna fluejo de rivero Bachiglione [bakiljOne]. Ĝi estis unu el la ĉefaj centroj de la malnov-venecia kulturo. En -49 ĝi iĝis romia municipo sub la nomo Patavium. Ĝi estis unu el la plej riĉaj urboj de la Romia imperio, nelaste danke al la bredado de ĉevaloj.

[redaktu] Vidu ankaŭ

• Universitato de Padovo

[redaktu] Ekstera ligilo

• http://www.padovanet.it/

Ĉi tiu artikolo pri "Padovo" ankoraŭ estas ĝermo pri geografia temo. Vi povas helpi pluredakti ĝin post klako al la butono «redaktu».
Se jam ekzistas alilingva samtema artikolo pli disvolvita, traduku kaj aldonu el ĝi.

La Vikimedia Komunejo havas dosierojn rilatajn al

Padovo sub la gloso Padova