Sergej Rublov

El Vikipedio

Sergej Grigorjeviĉ RUBLOV (naskiĝis la 14-an de januaro 1901 en Odeso; mortis la 8-an de julio 1979 en Odeso) estis rusa esperantisto dum sesdek jaroj, inĝ., kemiisto en farbo-industrio (pigmentoj por ole-farboj).

E-isto de 1919. En 1921-1929 unu el la gvidantoj de la E-movado en Odeso. En 1925 li elektiĝis al la Centra Komitato de Sovetunia Esperantista Unuiĝo, samjare al la Lingva Komisiono de SEU, en 1929 al la internacia Lingva Komitato.

Lia ĉefa scienc-esplora laboro pri Esperanto estas kvanta kaj kvalita analizo de Esperantaj radikoj. La kvanta analizo estas farita en 1926-1927 per grupo da esperantistoj, sub lia gvidado, kaj la rezulto publikigita en la almanako „Kvardek Jaroj“, 1927. La kvanta analizo donis bazon por verkado de la lernolibro „E-Rondeto“ (1928), aperinta en la rusa (eldonkvanto 90 miloj) kaj tradukita al la ukraina, germana, franca kaj bulgara lingvoj, entute en 15 eldonoj. De 1931 li preparas grandan Strukturan Vortaron de Esperanto, kiu resumas la kvalitan analizon de Esperantaj radikoj.

Liaj tradukoj La kemio de l'universo (1925) kaj 'La vojo al scienco de estonto (l928), ambaŭ de A. Fersman, aperis ĉe SAT, kiel ankaŭ la sciencfikcia romano de A. Bogdanov Ruĝa stelo (1929), kies kolektivan tradukon redaktis Rublov kaj N. Nekrasov. Manuskripte li postlasis ampleksajn leksikografiajn laborojn kaj multajn poeziajn tradukojn el la rusa, el kiuj eldoniĝis Elektitaj fabloj de I. A. Krilov.

[redaktu] Verkoj

[redaktu] Tradukoj

Fersman A. , La kemio de l'universo, SAT , 1925
Fersman A. , La vojo al scienco de estonto, SAT, 1928
Bogdanov A. Ruĝa Stelo (kunlabore kun aliaj), SAT, 1929
Majakovskij, Per voĉo plena, 1930.
Esenin, Sergej Aleksandroviĉ: Lulkantas vintro bona' (En: Nova Esperanta krestomatio, p.494 - 495)
Esenin, Sergej Aleksandrovicy: Versoj elektitaj (Trad. H. Drezen, K. Gusev, I. Ĥoves, S. Rublov, 1965)
Krilov, Ivan Andreeviĉ: 111 fabloj (1979)
Krilov, Ivan Andreeviĉ: Elektitaj fabloj (1979)
Rusa poezio en tradukoj de Sergej Rublov

[redaktu] Originalaj

Esperanto-Zirkel: praktisches Hilfsmittel für Gruppenunterricht
Gurtok Esperanto: praktiĉnij pidruĉnik dlja grupoviĥ zajnjat (1931)
Kruĵok Esperanto: praktiĉeskoe posobie dlja gruppovyĥ zanjatij
Proletarski kurs po Esperanto: praktiĉesko rêkovodstvo za izuĉavane meĵdunarodnija ezik Esperanto
Provo de kvanta elementanalizo en la lingvo Esperanto (En: Kvardek jaroj: kolekto da originalaj verketoj dediĉitaj al la 40-jara jubileo de Esperanto)
Multaj artikoloj en revuoj.