Sovetrespublikara Esperantista Unio
El Vikipedio
Sovetlanda Esperantista Unuiĝo (ruse Sojuz Esperantistov Sovetskiĥ Stran) kaj post 1927 Sovetrespublikara Esperantista Unio (ruse Sojuz Esperantistov Sovetskiĥ Respublik).
Fondita en junio 1921 dum la Tria Tutruslanda Esperantista Kongreso, SEU celis unuiĝi la sovetajn esperantistojn. Ernest Drezen estis ĝia prezidanto de ĝia fondo ĝis sia morto (ĉ. 1937). Ĝi havis malfacilajn rilatojn kun SAT. Ĝi malaperis silente dum la Granda Purigo.
La 24-an de januaro 1989 en la kulturdomo ĉe la adreso: strato Volĥonka, No 13, Moskvo (en kiu tiutempe funkciis vigla Esperanto-klubo Lev Tolstoj), la tutlanda konferenco de esperantistoj decidis pri refunkciigo de la memstara Sovetrespublikara Esperantista Unio (SEU), surbaze de ASE. La novan Asocion ekgvidis iamaj gvidantoj de SEJM. Post duonjaro SEU aliĝis al UEA. Lige kun la disfalo de Sovet-Unio, la 10-a Kongreso de SEU la 28-an de decembro 1991 decidis transformi SEU al Rusia Esperantista Unio (REU), kiu direktas la movadon en la novaj, tre malfacilaj ekonomiaj, sociaj kaj politikaj kondiĉoj.
[redaktu] Eksteraj ligoj
- Drezen, Lanti kaj La Nova Epoko, artikolo de Ulrich Lins
Neneŭtrala-esperanta-movadaj Asocioj |
SATaj |
Liberiga_Stelo (pra-SAT) | Fédération Espérantiste Ouvrière (pra-SAT-Amikaro) | SLEA | FLE | SATeH | SEU |
Pasintaj |
Senŝtatanoj | Laborista Unuiĝo Esperantista | Internacio de Proleta Esperantistaro | Internacio de Socialistaj E-istoj |
IAREV | ESKI | EKRELO | ALLE |
Estantaj, ne-SAT-aj |
Fédération Espérantiste du Travail | Monda Asembleo Socia |
Por tiu ĉi artikolo estas uzitaj materialoj el la libro Vojaĝo en Esperanto-lando de Boris Kolker kun afabla permeso de la aŭtoro. |
La unua versio de tiu ĉi artikolo estis prenita de la Enciklopedio de Esperanto (EdE en ekstera arkivo). |