Thabo Mbeki
El Vikipedio
Thabo Mvuyelwa MBEKI (naskiĝis la 18-a de junio 1942) estas nun la prezidento de la Sud-Afrika Respubliko.
Li naskiĝis en Transkei-a regiono de Sud-Afriko, estis filo de Govan Mbeki (1910–2001), forta apoganto de la Afrika Nacia Kongreso (mallongigo ANC laŭ la angla) kaj de la Sud-Afrika Komunista Partio. Mbeki havas la gradon de majstro de ekonomio ĉe la Universitato de Sussex.
- Mbeki aliĝis al la ANC en aĝo 14, kaj estis ties reprezentanto ekde 1967.
- 1984: elektita estro de la informsekcio de ANC
- 1989: elektita estro de la internacia sekcio de ANC
- 1994: majo: 1996 komisiita prezidento de Sud-Afriko
- 1997 decembro: li posteulis Nelson Mandela kiel ANC-prezidanto
- 1999 juno: li posteulis Nelson Mandela kiel prezidento de la Respubliko
- 2004 aprilo: li reelektiĝis Prezidento de la Sud-Afrika Respubliko
Oni kritikas Mbekin pro lia aidosa politiko, precipe lia defendo (aprilo de 2000) de malgranda grupo de disidentaj sciencistoj kiuj asertas ke HIV ne estas la kaŭzo de aidoso. (Vidu aidoso-retaksado.) Kvankam aidoso-aktivuloj aplaŭdis lian registaron pro sukcesa leĝa defendo (aprilo de 2001) de pli malmultekostaj aidoso-drogoj kontraŭ proceso de transnaciaj drogkompanioj, tamen oni akuzas lian registaron pro nesufiĉa respono al la epidemio, kiu nun tuŝas dekonon de la sudafrika popolo. Nun Sud-Afriko havas pli kompletan ortodoksan planon batali HIV kaj aidoson. La sanplano kreiĝis de doktoro Manto Tshabalala-Msimang, kiu servas kiel sanministero ekde decembro de 2000.
| antaŭulo: Nelson Mandela |
Prezidentoj de Sud-Afriko | Posteulo: en ofico |
