Vaitupu
El Vikipedio
Geografio > Oceanio > Polinezio > Tuvalo > Vaitupu
Vaitupu estas la plej granda insulo en la pacifika ŝtato Tuvalo.
[redaktu] Historio kaj loĝantaro
Vaitupu estas la due plej loĝata loko en Tuvalo, tio estas, 1.200 homoj, el kiuj 600 estas junuloj kun aĝo inter 13 kaj 21, kiuj estas senditaj el la tuta tuvala insularo por aliĝi al la sola mezlernejo en la lando, nomita Motufoua. Malgraŭ ties relativa grandeco, la insulo iĝis tiel troloĝita dum la 1940-oj, ke kelkaj familioj devis migri en Fiĝiojn.
Vaitupu saltis sur la internacian scenejon en 2001, kiam brulego en lernantloĝejo de la mezlernejo Motufoua mortigis 18 knabinojn kaj ties prizorganton. Poste sciiĝis, ke la incendio estis provokita de lernanto, kiu uzadis kandelon por povi legi nokte. La tiama ĉefministro Ionatana Ionatana deklaris funebron kaj sekve vizitis la insulon por ĉeesti la funeralon.
[redaktu] Geografio
La insulo, kies areo estas 5,6 kv.km., enhavas marĉojn, manglo-lagunojn, periferian koralan rifon kaj grandan lagunon. Vaitupu konsistas el almenaŭ 9 insuloj, kiuj estas::
- Luasamotu
- Mosana (aro el 2)
- Motutanifa
- Temotu
- Te Motu Olepa
- Tofia
- Vaitupu mem
- Kaj almenaŭ unu alia insuleto
Almenaŭ ekzistas unu loĝata insulo, kiu estas Vaitupu, kiu ankaŭ estas la plej granda. Tiu ĉi konsistas el la najbaraĵoj Tumaseu kaj Asau. Estas kirko, bazlernejo, kaj almenaŭ unu gastejo kaj poŝtoficejo. La mezlernejo Motufoua estas proksimume je 2 kilometroj, kaj la malsanulejo estas je 1 kilometro.
[redaktu] Transporto
Hodiaŭ Vaitupu estas alirebla je neregulaj periodoj ekde Funafutio per privata ŝipo aŭ per tiu kontrolita de la registaro, la MV Nivaga II.
| Insuloj kaj atoloj de Tuvalo |  |
|---|---|
| Insuloj: Nanumanga | Niulakita | Niutao | |
| Atoloj: Funafutio | Nanumea | Nui | Nukufetau | Nukulaelae | Vaitupu |
