Lauc
De Vichipedie, la enciclopedie libare dute in marilenghe.
| Lauc | |
 |
|
| Non ufiziâl par talian | Lauco |
| Provincie | Udin |
| Part | Cjargne |
| Altitudin | 719 m s.n.m |
| Superficie | 34 km² |
| Popolazion | 877 ab. |
| Densitât | 26 ab/km² |
| Frazions | Butiee, Davai, Trave, Val di Lauc, Vinai |
| Comuns confinants | Davâr, Raviei, Sudri, Tumieç, Vile di Cjargne, Zui |
| CAP | 33020 |
| Prefìs telefonic | 0433 |
| Patron | |
| [ Sît istituzionâl] | |
| Cjale il Progjet comuns | |
Lauc al è un comun inte Cjargne, che al dì di vuê al fâs part de provincie di Udin e al à 877 abitants.
Indis |
[cambie] Gjeografie
Il comun al è dut logât, ecezion fate par la piçule localitât di Sotcrez insomp un plan ch'al sovraste la plane dal Tiliment e il paîs di Vile di Cjargne. In plui che il cjaulûc a fasin part dal comun lis frazions di:
- Daleniis
- Davai
- Butee
- Trave
- Vinai
A son poi lis piçulis borgadis di Sot Crez, Isimidi, Chiauians, Plugne, Runcje, Vas, Pesmolêt, Val, Cjamp e Triscjamps.
[cambie] Storie
Il prin document scrît ch'al fâs in non di Lauc al va indaûr al 914, ma rinveniments nus fasin pensâ che siguramentri il plan al fo abitât zà in epoche romane. Il paîs, tal mût di dute la Cjargne al fo cedut tal 1077 dal imperadôr Indrì IV al patriarche di Aquilee, par pò lâ a finî tal 1420 tes mans dai vignesians, ch'a doprarin il legnam dai boscs de Cjargne par fâ sù lis lôrs nâfs. Cul 1797, an dal tratât di Cjampfuarmit, ancje Lauc al passà sot dal imperi asburgic par tornâ a la Italie tal 1866, daspò la tiarce vuere di indipendence. Te prime vuere mondiâl, cun la rote di Cjaurêt (1917) il paîs al fo ocupât dai austro-todescs par pò jessi liberât l'an successîf. Cualchi an daspò, te seconde vuere mondiâl, i fo une altre invasion, chiste volte di bande dai cosacs, clamâts in Cjargne di Hitler; ancje chiste volte muart e disperazion par la int. Une volte Finide la vuere, no finirin parò i problems; la disocupazion e jere fuart, e un grum di int, in mût particulâr i zovins scugnì lassâ la cjase par lâ a cirî lavôr vie dal altiplan. Par chest motîf, Lauc al è un comun dulà che il dispopolament al si fâ plui sintî.
[cambie] Culture
Manifestazions
- A Lauc e si ten ogni an une Vie Crucis, dute in lenghe furlane
- Il Tîr des cidulis, ancjmò presint Tes varis frazion
[cambie] Curiositât
Conte une leiende popolâr che une volte San Pieri al fos di passaç vie pe Cjargne par insegnâ a la int i Dîs Comandaments. Une volte rivât insomp la cleve ch'e puarte sul plan di Lauc parò, strac par la fadie fate, al poià lis taulis là ch'a erin scrîts i comandaments e une di chestis, colant e si sclesà; cumò al sietim comandament no rubâ e mancava la peraule no al principi de frase...e i abitants dal plan daurman a ubidierin! Di chi e ven il blason popolâr Lauc, Trave e Davai, un galantomp no'l si cjate mai.
