A Internacional
Na Galipedia, a wikipedia en galego.
A Internacional (L'Internationale en francés) é a máis famosa canción socialista, adoptada tamén polos anarquistas e comunistas, unha das cancións máis coñecidas internacionalmente, adeais do himno dos traballadores de todo o mundo.
A letra orixinal foi escrita en francés por Eugène Pottier en 1870, e publicada dentro da súa obra Cantos Revolucionarios. Pierre Degeyter púxolle música en 1888 (orixinalmente cantábase coa música de La Marseillaise. Tras a Revolución Rusa e ata que a Unión Soviética adoptou o seu propio himno en 1944. A Internacional serviu como o himno da URSS. Actualmente segue a ser o himno da maioría dos partidos socialistas e comunistas.
[editar] Letra
- En pé os escravos da terra,
- en pé os que non teñen pan;
- a nosa razón forte berra,
- o triunfo chega en volcán.
- Crebemos o xugo do pasado,
- pobo de servos, ergue xa,
- que o mundo vai ser transformado
- e unha orde nova vai reinar.
- Xuntémonos todos,
- é a loita final,
- o xénero humano
- forma a Internacional.
- Xuntémonos todos,
- é a loita final,
- o xénero humano
- forma a Internacional.
- Non hai salvadores supremos,
- nin rei, nin tribuno, nin deus,
- temos que salvarnos nós mesmos,
- o Pobo Traballador.
- Para que nos devolvan o roubado,
- para derrubar esta prisión,
- batamos no lume sagrado,
- ferreiros dun mundo mellor.
- Xuntémonos todos,
- é a loita final,
- o xénero humano
- forma a Internacional.
- Xuntémonos todos,
- é a loita final,
- o xénero humano
- forma a Internacional.
