Bandeira de Galicia
Na Galipedia, a wikipedia en galego.
A bandeira galega moderna naceu durante o século XIX inspirada na bandeira da Comandancia Naval da Coruña.
Durante este periodo, milleiros de galegos emigraban todos os meses á América para escapar da depresión económica e política na que se encontraba Galicia. O principal porto de saída de emigrantes era o da Coruña. A tradición conta que os emigrantes asimilaron que a bandeira naval da Coruña que ondeaba no porto e nos paquebotes transatlánticos era de feito a bandeira do país galego.
Chegados ao novo continente, os emigrantes americanos comezaron a utilizar a bandeira naval da Coruña como bandeira galega. Anos máis tarde, a bandeira branca e azul cruzou o atlántico de volta e foi adoptada en Galicia como a bandeira moderna galega.
"La Bandera Gallega sólo tiene dos colores: blanco y azul. El fondo es blanco, y desde el ángulo superior de la izquierda hasta el ángulo inferior de la derecha, atravesando el centro, una franja de color azul que debe tener de ancho la tercera parte del alto o ancho total de la bandera", publicado no ano 1898 no xornal "El Eco de Galicia", La Habana, Cuba.
[editar] Bandeira Civil e Bandeira "Oficial", "Institucional" ou "de Estado"
A Lei 5/1984 da Xunta de Galicia de Símbolos de Galicia do 29 Maio 1984 fixou as proporcións exactas da bandeira nacional civil en tres módulos de longo por dous de largo, cunha banda azul celeste en proporción 3 módulos de longo / 6 ou o equivalente en 0.5. A bandeira nacional civil é a bandeira que pode ser utilizada pola poboación civil.
O Santo Graal, ou cálice do sangue de Cristo, foi a bandeira e escudo de armas do reino galego desde o século XIII. A representación moderna e oficial do escudo galego foi fixada no ano 1972 pola Real Academia Galega (RAG). A RAG propuxo á Xunta de Galicia de conservar a memoria da bandeira galega antiga dentro da bandeira galega moderna. O resultado foi a superposición das armas ou escudo galego sobre a bandeira nacional civil, formando o que en Vexiloloxía -a ciencia que estuda as bandeiras- se chama "Bandeira de Estado". A bandeira de "estado", "institucional" ou "oficial" galega é a que debe figurar nos actos oficiais do goberno e institucións galegas.
"A bandeira de Galicia deberá levar cargado o escudo oficial cando ondee nos edificios públicos e nos actos oficiais da Comunidade Autónoma", Lei 5/1984 de Símbolos de Galicia, Artigo 2.2.
[editar] Outras Bandeiras e Símbolos Históricos
- O nacionalismo de esquerdas adopta a estreleira (bandeira galega coa estrela vermella) como símbolo de liberación nacional e social. Este símbolo é o máis usado en manifestacións nacionalistas ou partidos de futbol. É a bandeira da principal Central Sindical (CIG: Confederación Intersindical Galega) e dos partidos de esquerda nacionalista.
- O deseño do escudo de Castelao para unha república galega independiente co texto "Denantes Mortos que Escravos" rodeando a unha serena cunha fouce e unha estrela.
- Durante a Marea Negra do Prestige tamén se usou a bandeira galega, con fondo negro e co texto de Nunca Máis.
- O Santo Graal é o símbolo histórico que máis longo ven representando a Galicia como institución política. O Santo Graal aparece documentado por primeira vez como armas dos reis de Galyce no Armorial Segar de Inglaterra do ano c.1282. A representación gráfica das armas do Reino de Galicia foi evolucionando continuamente através dos séculos; do orixinario Graal pechado nun relicario (armoriais Bergshammar, Suecia, 1436, e Gymnich, Flandres, 1445) pasouse á sua representación en forma aberta; o orixinal campo azul da bandeira diversificouse tamén en vermello e branco; e o orixinal Graal en campo liso sen nengún engadido pasou a conter decoración diversa como anxos e un número variable de cruzes, entre unha, seis, sete, ou en campo sementado. A estandarización gráfica moderna das Armas ou Escudo de Galicia foi establecida no ano 1972 pola Real Academia Galega.
