Música gótica

Na Galipedia, a wikipedia en galego.

[editar] Características

Tipo de música cunha iconografía e características bastante concretas:

Ideoloxía do Romanticismo literario (época de lord Byron e Mary Shelley) e temática do desamor;
Utilización e transformación (reinterpretación, apropiación, terxiversación ou recuperación) de mitoloxía e lendas tradicionais;
Uso de temas medieviais e bíblicos;
Ambientes escuros e noitébregos;
Relación destemida con morte, medo, ira, odio, escuridade, seres sobrenaturais, etc.;
Elegancia e clasicismo no vestir (case sempre de negro) combinada coa palidez cetrina na pel da face;
Vocalista feminina;

A pesares disto, as orientacións dentro do gótico son varias: existen grupos que tenden ó punk ou ó black-metal ou o dark-metal, mentres que outros van cara ó doom ou cara á música electrónica. Algunhas veces compáraselle con bandas sonoras de películas épicas ou procedentes do cómic (do estilo O Señor dos Aneis ou Underworld), o cal non está de todo errado pois comparten certos elementos visuais, musicais ou mesmo están presentes nas bandas sonoras.

Canto ó estilo musical, é singular pola súa mestura da música orquestrada (certos instrumentos e mesmo formacións enteiras) coa música electrónica e as guitarras eléctricas máis propias de estilos máis duros coma o Heavy. A sobriedade e a amplitude da escala vocal tamén adoitan aparecer nos temas, e sitúanse nunha liña herdeira directa do Heavy alemán dos anos 80 (Warlock e Doro Pesch, Europe, etc.), do rock sinfónico e da música electrónica dos 90.

A inmensa maioría dos grupos máis coñecidos nos circuítos musicais son europeos (coa excepción dos estadounidenses Evanescence), e unha boa parte da tradición procede dos tres países escandinavos, de Alemaña e de Holanda (a excepción é Lacuna Coil, de Italia). As tendencias máis fortes proceden de grupos xurdidos en Polonia.

[editar] Grupos

Co éxito dalgúns grupos, coñeceu un rexurdimento nestes comezos da primeira década do milenio. Os principais grupos representativos son:

Evanescence (de EEUU, os de corte máis comercial)
Within Temptation (holandeses, tamén de corte algo comercial)
Epica (tamén holandeses, un dos grupos con máis divulgación, cunha moi noviña cantante, Simone Simons, de 20 anos, e que acaban de sacar no 2006 Consign to Oblivion, inspirado no mundo maia)
Tristania (outro grupo histórico)
Theatre of Tragedy (dos grupos máis vellos e recoñecidos: a súa cantante Liv Kristine marchou do grupo e formou Leave's eyes)
After forever
Edenbridge
Penumbra
Lacrimosa (grupo alemán de corte máis electrónico)
The Sins of Thy Beloved (outro grupo de longa experiencia)
Lacuna Coil (italianos, os máis seguidos polos rockeiros tradicionais)
The gathering (holandeses, cun estilo moi tranquilo cando a que canta é a vocalista, Anneke van Giesbergen)
Midnattsol (que sacaron o disco Where twilight dwells, de 2005)
Octavia Sperati (novo grupo noruego composto case integramente por mulleres)
Beseech
Therion (formada só por homes, que sacou un disco dobre en 2005: Lemuria xunto con Sirius B)
L'âme immortelle (alemáns, a pesares do seu nome francés: "a alma inmortal")
Vesania
Sirenia
Svenia