Millenium
Na Galipedia, a wikipedia en galego.
O Millenium é un monumento con forma de obelisco (o máis grande do mundo) situado no Paseo Marítimo da Coruña. Ergueuse para comemorar o inicio do século XXI e ten como referentes a Torre de Hércules e o Obelisco dos Cantóns. Ten 46 metros de altura e está feito en aceiro (2 toneladas) e 147 cristais de rocha traídos desde Holanda. No ras do chan hai unha cafetaría acristalada.
Nos 13 primeiros metros cóntase a historia dos principais acontecementos e personaxes da Coruña, tallados nos cristais. Estes teñen 3 mm de espesor, foron tratados a 800°C e pesan 3 toneladas.
De noite ilumínase mediante 142 focos de luz (53.100 vatios). O 1 de xaneiro de 2001 acendeuse por primeira vez en 12 tramos.
