Steven Spielberg
Na Galipedia, a wikipedia en galego.
Steven Allan Spielberg, director de cine estadounidense. Naceu o 18 de decembro de 1946 en Cincinnati (Ohio), e criouse nos suburbios de Haddonfield (New Jersey) e Scottsdale (Arizona).
Spielberg sempre estivo abraiado coa industria do cine. De neno, cobraba entradas para as súas películas caseiras (que incluían accidentes de trens que el representaba co seu xogo de trens Lionel). Con 12 anos xa tiña rematada a súa primeira producción con guión e actores incluídos. Un ano despois, Spielberg gañou un premio por unha película de guerra de 40 minutos de duración titulada Escape to Nowhere. En 1963, con 16 anos, a súa produción de 140 minutos Firelight, que tempo despois lle inspiraría para realizar Encontros na terceira fase, foi presentada no teatro local e deulle 100$ de gananzas.
Logo de que se lle negara a entrada a escolas cinematográficas tradicionais, Spielberg entrou na universidade de California en Long Beach para estudar inglés. Posteriormente obtivo un Bachelor of Arts en inglés e estudou cine. A súa carreira cinematográfica comezou cando se baixou dun bus turístico nos estudios Universal en Hollywood e deambulou ata atopar unhas oficinas abandoadas e que converteu en súas. Co paso do tempo ata os gardas de seguridade saudábano sen preguntar quen era.
Índice |
[editar] Inicios da súa carreira profesional
Co tempo, Spielberg comezou a producir Amblin. Esta película de só 24 minutos converteuno no director máis novo en obter un contrato co estudio de Hollywood máis grande (Universal). A película tivo un presuposto de 15.000$ postos por un amigo. Amblin gañou varios premios en diferentes festivais e incluso foi presentada no Festival de cine de Atlanta en 1969. Daquela Spielberg xa tiña firmado un contrato de 7 anos para a división de televisión. Despois de catro anos e varios programas de televisión, dirixiu unha película para televisión chea de suspense chamada O demo sobre rodas, que foi aclamada tanto por críticos como pola audiencia. Finalmente, a película estreouse nos cines.
Sen embargo, Spielberg non acada a entrada definitiva na industria do cine ata dirixir Tola evasión (Duel) en 1974. Foi Tiburón (Jaws) a película que o converteu nun dos directores máis famosos e importantes do mundo. En 1977 dirixe Encontros na terceira fase (Close Encounters of the Third Kind), película pola que obtivo unha nominación ó Oscar como mellor director.
Malia os seus primeiros éxitos, Spielberg fracasa ó dirixir 1941, unha comedia sobre a Segunda Guerra Mundial. Despois disto, únese co seu amigo George Lucas para rodar Na busca da arca perdida (Raiders of the Lost Ark), coa personaxe de Indiana Jones encarnada por Harrison Ford. A película doulle outra nominación ó Oscar como mellor director.
Volvendo a ciencia ficción e a exploración de vida extratrerrestre, Spielberg dirixe en 1982 E.T.: o extratrerrestre, convertíndose na película máis taquilleira do momento e nun cláciso do cine. Por esta película recibiu premios coma o da Sociedade Nacional de Críticos de Cine (National Society of Film Critics) como mellor director e tamén por parte da Asociación de Críticos de Cine de Os Ánxeles.
[editar] Spielberg e as súas primeiras películas de drama
Despois de ter dirixido as continuacións de Indiana Jones, Indiana Jones e o templo maldito e Indiana Jones e a última cruzada, Spielberg dirixiu A cor púrpura (The Color Purple) en 1985, en resposta a aqueles que pensaban que non podería dirixir un drama. A pesar de non ser unha película de éxito na taquilla, recibiu 11 nominacións ós premios Oscar.
En 1987 rodou O imperio do sol, mentras que Always: Para sempre]] foi lanzada en 1989, seguíndolle dous anos máis tarde Hook, o capitán Garfio, todas elas películas de pouco éxito.
En 1993 Spielberg sorprendeu ó mundo con Parque Xurásico (Jurassic Park), unha historia de dinosaurios creados por manipulación xenética, e cunha película tributo a Oskar Schindler, A lista de Schindler. Mentres que a primeira recaudou 100 millóns de dólares en tan só 9 días, coa segunda obtivo o Oscar a mellor película e ó mellor director.
En 1997 Spielberg estreou a segunda parte de Parque Xurásico, O mundo perdido: Parque Xurásico, e tamén dirixiu Amizade, pola que recibiu unha nomicación ó Globo de Ouro ó mellor director. En 1998 dirixiu Salvar ó soldado Ryan (Saving Private Ryan), un drama protagonizado por Tom Hanks e Matt Damon. Por esta película conseguiu outro Oscar ó mellor director.
En 2001 dirixe Intelixencia artificial, con Jude Law e Haley Joel Osment, película basada na posibilidade de que os robots poden ser tan reais como para ter a capacidade de sentir coma os humáns. En 2002 estreou Minority Report, con Tom Cruise, outra película futurista na que se combina a tecnoloxía co fantástico. O seu argumento trata dunha tecnoloxía que pode descubrir a asesinos antes de que cometan os seus crimes.
En 2002 dixixe Atrápame se podes, coas actuacións de Leonardo Di Caprio e Tom Hanks, basada na historia real dun home que estafou e enganou a moita xente facéndose pasar por multitude de persoas.
[editar] Producións
Spielberg produciu Poltergeist, Regreso ó futuro, Os Picapedra, Casper, Men in Black (Homes de negro), Deep Impact e A máscara do Zorro, entre outras.
Tamén durante a década dos noventa produciu debuxos animados coma As aventuras dos Tiny Toons e Animaníacos.
Ademáis de fundar a súa propia productora (Amblin Entertainment), Spielberg fundou DreamWorks SKG con Jeffrey Katzenberg e David Geffen en 1994. Este estudio é responsable de películas como American Beauty, Gladiator, Náufrago e a de animación por ordenador Shrek, entre outras.
Entre a lista de premios que Spielberg recibiu están: o Distinguished Public Service Award da Mariña dos Estados Unidos por Salvar ó soldado Ryan e o Premio ós logros dunha vida do American Film Institute.
Spielberg non é soamente recoñecido polo seu traballo como director, senón tamén polas súas accións de caridade para organizacións da Segunda Guerra Mundial e a Righteous Persons Foundation (a cal concede diñeiro a varios proxectos xudíos, especialmente organizacións en memoria do Holocausto. Tamén forma parte da Xunta de Conselleiros da Escola de Cine-Televisión da Universidade do Estado de California.
Steven Spielberg está casado coa actriz Cate Capshaw, a quen coñeceu durante as audicións para a película Indiana Jones e o templo maldito.
[editar] Filmografía como director
- 1959 - The Last Gun, dirección e montaxe
- 1961:
- Escape to Nowhere, dirección, guión e montaxe
- Battle Squad, dirección, guión e montaxe
- 1964 - Firelight, dirección, guión e montaxe
- 1967 - Slipstream, non rematada, dirección e guión
- 1969:
- Amblin', dirección, guión e montaxe
- Night Gallery, fragmento Eyes
- 1971:
- Murder by the Book, episodio da serie de TV Colombo
- El diablo sobre ruedas (Duel)
- 1972 - Algo diabólico (Something Evil), dirección e reparto
- 1973 - Savage, dirección e montaxe
- 1974 - Tola evasión (Sugarland Express), dirección e guión
- 1975 - Tiburón (Jaws), dirección e reparto (voz)
- 1977 - Encuentros na terceira fase (Close Encounters of the Third Kind), dirección e guión
- 1979 - 1941
- 1981 - En busca da arca perdida (Raiders of the Lost Ark)
- 1982:
- E.T.: O extraterrestre (E.T. the Extra-Terrestrial)
- Poltergeist, dirección (non mencionado nos créditos), producción, guión e montaxe
- 1983 - Twilight Zone: The Movie, segunda historia, dirección e producción
- 1984 - Indiana Jones e o templo maldito (Indiana Jones and the Temple of Doom), dirección e reparto
- 1985:
- El color púrpura (The Color Purple), dirección e producción
- Contos asombrosos (Amazing Tales), tamén en 1992, dirección, producción e guión
- 1987 - O imperio do sol (Empire of the Sun), dirección e producción
- 1989:
- Indiana Jones e a última cruzada (Indiana Jones and the Last Crusade)
- Always: Para sempre (Always), dirección e producción
- 1991 - Hook, o capitán Garfio (Hook)
- 1993:
- Parque Xurásico (Jurassic Park), dirección e producción
- A lista de Schindler (Schindler's List), dirección e producción
- 1997:
- O mundo perdido: Parque Jurásico (The Lost World: Jurassic Park), dirección e reparto
- Amistad, dirección y producción
- 1998 - Salvar ó soldado Ryan (Saving Private Ryan), dirección e producción
- 1999 - The Unfinished Journey, corto documental
- 2001 - Intelixencia artificial (Artificial Intelligence: AI), dirección, producción e guión
- 2002:
- Minority Report
- Atrápame se podes (Catch Me if You Can), dirección e producción
- 2004 - A terminal (The Terminal), dirección e producción
- 2005 - A guerra dos mundos (The War Of The Worlds), dirección e producción
[editar] Filmografía como productor, guionista, montador e reparto
- 1973 - Ace Eli and Rodger of the Skies, guión
- 1978 - Tolos por eles (I Wanna Hold Your Hands), producción
- 1980:
- Freos rotos, coches tocos (Used Cars), producción
- Granuxas a todo ritmo (The Blues Brothers), reparto
- 1981 - Continental Divide, producción
- 1984 - Gremlins, producción e reparto
- 1985:
- Fandango, producción (non mencionado nos créditos)
- Os Goonies (The Goonies), producción, guión e montaxe
- Regreso ó futuro (Back to the Future), producción
- Historias asombrosas (Amazing Stories), serie de TV, ata 1987, producción
- O secreto da pirámide (Young Sherlock Holmes), producción
- 1986:
- Esta casa é unha ruina (The Money Pit), producción
- Fievel e o Novo Mundo (An American Tail), producción
- 1987:
- Harry e os Henderson (Harry and the Hendersons), producción
- O chip prodixioso (Innerspace), producción
- Three O'Clock High, producción
- Os Nosos maravillosos aliados (*Batteries not Included), producción
- 1988:
- ¿Quen enganou a Roger Rabbit? (Who Framed Roger Rabbit?), producción
- Na busca do Val Encantado (The Land Before Time), producción
- 1989:
- Dor de barriga (Tummy Trouble), corto, producción
- Meu pai (Dad), producción
- Regreso ó futuro II (Back to the Future Part II), producción
- 1990:
- Joe contra o volcán (Joe Versus the Volcano), producción
- Los sueños de Akira Kurosawa (Yume), producción
- Regreso ó futuro III (Back to the Future Part III), producción
- Roller na montaña rusa (Roller Coaster Rabbit), corto, producción
- Gremlins 2: A nova xeración (Gremlins 2: The New Batch), producción
- Aracnofobia (Arachnophobia), producción
- As aventuras dos Tiny Toons (Tiny Toon Adventures), serie de TV, ata 1992, producción
- 1991:
- O cabo do miedo (Cape Fear), producción (non mencionado nos créditos)
- Fievel vai ó oeste (An American Tail: Fievel Goes West), producción
- A Wish for Things That Work, serie de TV, producción
- 1992:
- It's A Wonderful Tiny Toons Christmas Special, producción
- Tiny Toon Adventures: How I Spent My Vacation, producción
- The Plucky Duck Show, serie de TV, producción
- 1993:
- 1994:
- Tiny Toon Adventures: Spring Break Special, producción
- Os Picapedra (The Flintstones), producción
- Yakko's World: An Animaniacs Singalong, producción
- Tiny Toons Spring Break, producción
- I'm Mad, producción
- Emerxencias (ER), serie de TV aínda en emisión, producción
- 1995:
- 1996:
- Survivors of the Holocaust, documental para TV, producción
- High Incident, serie de TV, ata 1997, producción
- Twister (Tornado) (Twister), producción
- The Best of Roger Rabbit, producción
- 1997:
- Men in Black (Homes de negro) (Men In Black), producción
- The Lost Children of Berlin, producción
- 1998:
- Deep Impact, producción
- A máscara do zorro (The Mask of Zorro), producción
- Os últimos días (The Last Days), documental, producción
- Toonsylvania, serie de TV, ata 2000, producción
- Pinky, Elmyra & the Brain, serie de TV, producción
- 1999 - The Haunting (A guarida) (The Haunting), producción
- 2000:
- A Holocaust Szemei, documental, producción
- Shooting War, producción e montaxe
- 2001:
- Semper Fi, producción
- Shrek, producción
- Evolution, producción
- Parque Xurásico III (Jurassic Park III), producción
- Irmáns de sangue (Band of Brothers), mini serie de TV, producción
- We Stand Alone Together, documental, producción
- Vanilla Sky, reparto
- 2002:
- Broken Silence, mini serie documental de TV, producción
- Price for Peace, documental, producción
- Men in Black II (Homes de negro II) (Men In Black II), producción
- Taken, mini serie de TV, producción
- 2003 - Burma Bridge Busters, documental, producción
- 2004 - Voices from the List, documental, producción
