The Flaming Lips

Na Galipedia, a wikipedia en galego.

The Flaming Lips
{{{caption}}}
Orixe	Oklahoma
País	Estados Unidos
Período	1983-actualidade
Xénero(s)	Rock alternativo
Selo(s) discográfico(s)	Warner
Membros
Antigos membros
Web oficial

The Flaming Lips é unha banda de rock estadounidense formada en 1983 en Oklahoma City, Oklahoma. Actualmente está composta por Wayne Coyne (guitarra e voz), Michael Ivins (baixo) e Steven Drozd (batería).

[editar] Historia

A formación da banda remóntase a 1983 cando Wayne Coyne, despois de moito aforrar, consegue comprar unha guitarra Les Paul. Era o punto de partida, pero era difícil atopar compañeiros para unha banda en Oklahoma City. Foi só algún tempo despois cando Wayne soube polo seu irmán Mark que Mike Ivins tiña un baixo en casa. Mike non sabía tocar, pero aínda así Wayne convidouno para tocar xuntos. Estaba nacendo The Flaming Lips, con Wayne Coyne (guitarra), Mark Coyne (voz) e Mike Ivins (baixo). Para a batería eles probaron a algunha xente antes de fichar a Richard English, que tomou conta das baquetas de 1984 en diante.

Despois dalgúns concertos en bares da cidade, a banda editou unha demo e pensaba en gravar o seu primeiro disco. A partir de 1984 The Flaming Lips comezou a establecerse abrindo concertos de bandas hardcore que pasaban por Olkahoma como Black Flag, Minutemen ou Hüsker Dü. O motivo é que The Lips tiña o único equipo de directo de Olkahoma City, e o prestaba ás outras bandas.

Os plans de gravar o primeiro disco finalmente concretáronse en 1985, cando a banda autofinanciou o EP The Flaming Lips, lanzado en febreiro cunha tirada inicial de 1.000 copias. O disco serviríalle como carta de presentación e gracias a el conseguiron actuar noutras cidades fóra de Oklahoma. The Flaming Lips contiña cinco cancións e tentaba reproducir o son da banda en directo, soando tecnicamente precario. Mentres tanto, dende o inicio xa estaba presente na banda unha sonoridade única, dificilmente catalogable, diferente a todo o que existía na época. Había unha mestura de varias tendencias de rock, punk, rock progresivo e psicodelia feita dunha maneira particular.