Geographia
De Wikipedia, le encyclopedia libere
Le geographia {s} [ge-o-gra-fía] es le scientia que studia le superficie del Terra e elementos como le climate e le characteristicas topographic de un region.
Le geographia es le scientia que ha como objectivo le studio del superficie terrestre e le distribution spatial e le relationes reciproc del phenomenos physic, biologic e social que se manifesta in illo.
In senso classic, le geographia es le description del Terra, ma hodie, le geographia non solmente describe ma anque explica. Le geographia se considera como un scientia que agglutina tote le altere scientias, tanto natural como social, desde le historia usque le mathematica, viste que le objectos de studio del geographia es multe e multo varie. Nonobstante, le perspectiva del geographia es differente; illo studia le modos de organisation del spatio terrestre, le distribution del elementos que compone le paisage, su formas, su populationes...
Additionalmente, illo establi un dialectica inter le explication e le description del paisage; e inter le methodo inductive e deductive. Per isto, iste elementos debe esser eligite, selectionate, ordinate, judicate e presentate. Le analyse adjuta le geographo a comprender le modos de organisation in le spatio.
[modificar] Campos principal
Ecce un lista del campos principal que studia le geographia e su scientias principal auxiliar respective.
- In le geographia physic se studia:
- geomorphologia, con methodos del geologia, del lithologia e del geophysica.
- climatologia, con methodos del meteorologia e del statistica.
- hydrologia, continental e marin, con methodos del geologia, del oceanographia e del statistica.
- pedologia con methodos del edaphologia e del geomorphologia.
- biogeographia con methodos del biologia, del botanica, del zoologia, del edaphologia??? e del ecologia.
- In le geographia human se studia:
- geographia rural, con methodos del agronomia, del climatologia, del statistica e del economia.
- geographia economic que include tote le activitates economic como:
- geographia industrial, con methodos del mathematica e del economia.
- geographia touristic con methodos del economia, del mathematica e del sociologia.
- geographia urban, con methodos del urbanismo, del sociologia e del mathematica.
Naturalmente le methodos del historia appare in tote illos usque le puncto que on poterea parlar del geographia cultural, assi como del statistica e del mathematica. Tamben se usa methodos del astronomia e del topographia pro realisar le mappas (cartographia), assi como le determination de codices de signos que adjuta a interpretar los.
In ultra il es possibile studiar le geographia de forma concrete o general in un zona, region o pais. On parla assi del geographia general e del geographia regional que es lo que se occupa del application del analyse geographic a paises concrete.
[modificar] Le continentes geographic
[modificar] Themas connexe
Lista del paises del mundo
