Aslan Mashadov
From Wikipedia
Aslan Mashadov esis Chechena politikisto e prezidanto. Mashadov (lektez: Mas-ha-dov) naskis en Kazakstan ye 1951. Tatempe preske tota populo Chechena esis en interna deporto ek Chechenia segun la precepto da Yosif Stalin. La familio di Mashadov povis retrovenar heme ye 1957.
Mashadov adheris Soviet armeo e servis inter altri en Hungaria e Lituania. Pos la krulo di Soviet-Uniono il retrovenis Chechenia ye 1991 kune altri Checheni, qui demandeskis sendependeso por la lando. Mashadov divenis komandero di la Chechen armeo ed il organizis la defenso di Grozni ye 1994 dum la unesma Chechena milito.
Rusia e Chechenia paktis pri paco, e Mashadov elektesis prezidanto ye januaro 1997. La paco ne duris, e Rusia atakis nove ye 1999. Mashadov volis negociante atingor paco, ma extrema-nacionalisti blamis il esar Rusa-mentala. Rusia imputis Mashadov pro terorigi, ma il multafoye judikis la terorigi da Checheni.
Rusia promisis 20 milioni dolari pro Mashadov. Ye 8 di marto 2005 Rusa soldati mortigis Mashadov. Pos la morto di Aslan Mashadov esas probable desfacila a Rusia trovor negocianta politikisto Chechena.
