გორის მაზრა

ვიკიპედიიდან

გორის მაზრა, ადმინისტრაციული-ტერიტორიული ერთეული რუსეთის იმპერიაში, ყოფილი ტბილისის გუბერნიის შემადგენელი ნაწილი. შეიქმნა 1802 წელს. ადმინისტრაციული ცენტრი - ქ. გორი. გორის მაზრა მოიცავდა (XIX ს. ბოლო პერიოდის მიხედვით) ახლანდელი გორის, კასპის, ქარელის, ხაშურის, ბორჯომის, ზნაურის, ცხინვალისა და ჯავის რაიონების ტერიტორიას. 1840 წელს გორის მაზრა ახლად შექმნილი საქართველო-იმერეთის გუბერნიის შემადგენლობაში შევიდა. 1842 წელს ჩამოსცილდა ოსებით დასახლებული სოფლები და მათგან ოსეთის ოკრუგი შეიქმნა. 1843 წელს გორის მაზრაში შემავალი მთის უბანი და ქსნის უბნის მნიშვნელოვანი ნაწილი ახლად შექმნილი მთის ოკრუგის შემადგენლობაში შევიდა. 1859 წელს, ოსეთის ოკრუგის გაუქმების შემდეგ, მისი მნიშვნელოვანი ნაწილი ოსეთის უბნის სახელწოდებით კვლავ გორის მაზრაში მოექცა. 1864 წელს ქსნის უბანიც გორის მაზრას დაუბრუნდა, 1867 წელს კი დუშეთის მაზრას გადაეცა. გორია მაზრა გაუქმდა 1930 წელს.

სტატიაში გამოყენებულია ქართული საბჭოთა ენციკლოპედია.

Retrieved from "http://ka.wikipedia.org../../../%E1%83%92/%E1%83%9D/%E1%83%A0/%E1%83%92%E1%83%9D%E1%83%A0%E1%83%98%E1%83%A1_%E1%83%9B%E1%83%90%E1%83%96%E1%83%A0%E1%83%90.html"

კატეგორიები: ქსე-ის მასალები | საქართველოს მაზრები

გორის მაზრა

ვიკიპედიიდან

Views

ნავიგაცია

ძიება