დიტრიხი, მარლენ
ვიკიპედიიდან
მარია მაგდალენა "მარლენ" დიტრიხი (*27 დეკემბერი, 1901 - 6 მაისი, 1992) - გერმანელი მსახიობი და მომღერალი. დაიბადა ბერლინ-შონებერგში, გერმანია, ლუის ერიხ ოტო დიტრიხ და ვილჰელმინა ელიზაბეთ ჯოზეფინ ფელსინგის ოჯახში. 1921 წელს მაქს რაინჰარდტის სამსახიობო სკოლაში შესვლამდე ვიოლინოზე უკრავდა, ორ წელიწადში კი მარლენის კინო დებიუტი შედგა (თუმცა ისტორიკოსები ამტკიცებენ, რომ ის 1919 წლის გერმანულ ფილმში მესამეხარისხოვან როლშიც გამოჩნდა). თავდაპირველად მხოლოდ გერმანულ ფილმებში თამაშობდა (ამავე დროს ქორში მღეროდა კაბარეებსა და თეატრებში), 1930 წელს კი პირველ ევროპულ გახმოვანებულ ფილმში "ლურჯი ანგელოზი" (რეჟისორი იოზეფ ფონ შტერნბერგი) ასრულებს პირველ როლს.
სექციების სია |
[რედაქტირება] ჰოლივუდი
დიტრიხი შემდეგ ჰოლივუდში გადადის კინოფილმ "მაროკო"-ში მონაწილეობის მისაღებად, რომელიც მისი ერთადერთი ოსკარის ნომინაცია გახდა. კინოს ისტორიაში მისი ყველაზე მნიშვნელოვანი წვლილი ფონ შტერნბერგის ფილმებში შესრულებული როლები იყო ადრეულ 1930-იან წლებში. ეს ფილმებია "იმპერატრისა სკარლეტი" და "შანხაი ექსპრესი", სადაც ის "femmes fatale"-ს ასრულებს. დროთა განმავლობაში ის ავრცობს საკუთარ რეპერტუარს ფილმებში Destry Rides Again, A Foreign Affair, Witness for the Prosecution, Touch of Evil და Judgment at Nuremberg.
[რედაქტირება] მომღერალი
დიტრიხი მის რამდენიმე ფილმში თავად მღერის (მათ შორის ყველაზე ცნობილია ფონ შტერნბერგის ფილმში "ლურჯი ანგელოზი" სიმღერა ""Ich bin von Kopf bis Fuss auf Liebe eingestellt", რომელიც დიტრიხმა გერმანიაში ჩაწერა 1920-იან წლებში). კინოკარიერაში წარუმატებლობის გამო ის შემდგომში აქცენტს უფრო სიმღერაზე აკეთებს და ხმის ჩამწერ სტუდიებთან Decca, Elektrola, EMI, და Columbia რამდენიმე დისკს უშვებს. მისი გამორჩეული ხმის იმიტაციას შემდგომში მრავალი მსახიობი ეცადა, მათ სორის ლოტე ლენია, სიმღერაში "ლიდერი", ბრიტანულ ტრიოში "Fascinating Aïda". იგივე გაიმორა მედლინ კანმა მელ ბრუკსის კლასიკურ კომედიაში Blazing Saddles.
[რედაქტირება] მეორე მსოფლიო ომი
1937 წელს სამსახიობო კარიერის ჩავარდნის პერიოდში დიტრიხი ამერიკის მოქალაქეობას იღებს. 1941 წელს მეორე მსოფლიო ომში აშშ-ის ჩართვის შემდეგ დიტრიხი ერთ-ერთი პირველი ჰოლივუდელი იყო, რომელიც ომის საფონდო აქციების შეგროვების პროპაგანდას ჰკიდებს ხელს. დიტრიხი ცნობილი იყო მისი მტკიცე პოლიტიკური პოზიციებით და შესაბამი პოლიტიკური სიგამჭრიახით. ის შეურიგებელი ანტი-ნაცისტი იყო, გმობდა რა იმ დროინდელი გერმანიის ანტი-სემიტურ პოლიტიკას. ამ დროს ჩაწერა მან რამდენიმე ანტი-ნაცისტური სიმღერა გერმანულად ოსს-თვის, მათ შორის "ლილი მარლენი", თვალსაჩინო ნიმუში სიმღერისა, რომლის მოტივი ომის ხაზგასმული სიძულვილია. ამავე დროს ის მონაწილეობს მიუზიკლებში ჯარისკაცების გასართობად. ის მღეროდა მოკავშირეთა ჯარებისთვის ფრონტის წინა ხაზზე ალჟიერში, საფრანგეთი, და გერმანიაში გენერალებთან ჯეიმს გევინი და ჯორჯ პატონი. როცა ჰკითხეს, თუ რატომ აკეთებდა ამას გერმანელთა ფრონტიდან რამდენიმე კილომეტრში აშკარა საფრთხის ქვეშ, მან უპასუხა "aus Anstand" (დაახ. "ეს საამაყოა").
[რედაქტირება] პირადი ცხოვრება
პროფესიული წარმატების მიუხედავად, რომლის ყოველი ნაბიჯი გულდასმით იგეგმებოდა, დიტრიხის პირადი ცხოვრება საზოგადოების თვალის მიღმა რჩებოდა. მან ერთხელ იქორწინა რეჟისორის ასისტენტ რუდოლფ სიბერზე - კათელიკე, რომელიც შემდგომში პარამაუნტ პიქჩერზის დირექტორი გახდა საფრანგეთში. მისი ერთადერთი ქალიშვილი, მარია სიბერი (გათხოვების შემდეგ - მარია რივა), 1924 წლის 13 დეკემბერს დაიბადა. როცა მარია რივას ვაჟი ეყოლა 1948 წელს, დიტრიხს "მსოფლიოს ყველაზე თვალის მომჭრელი ბებია" შეარქვეს. მსახიობის ცხოვრების უდიდესი სიყვარული კი მაინც ფრანგი მსახიობი და ომის გმირი ჟან გაბენი იყო. რაც შეეხება მის მეუღლეს, მას ტრაგიკულად არასტაბილური ხანგრძლივი საყვარელი ჰყავდა, რომელიც გარეგნობით ოდნავ ემსგავსებოდა დიტრიხს, და რის გამოც შემდგომში მან ირწმუნა რომ დიტრიხი თავად იყო.
დიტრიხს გარდა ამისა რამდენიმე ხანგრძლივი ურთიერთობა ჰქონდა ქალებთან: მწერალი და პეოტი მერსედეს დე აკოსტა, მსახიობები კლოდეტ კოლბერი, მეი უესტი, ჯოან კროუფორდი და გრეტა გარბო სხვადასხვა დროს მისი საყვარლები იყვნენ. ამისდა მიუხედავად, მისთვის მეფური ანაზღაურება შეუთავაზებიათ გერმანიაში დაბრუნებისთვის, მისი სამშობლოში უდიდესი პოპულარობისა და ჰიტლერის განსაკუთრებული მოწადინებისა, რაზეც დიტრიხს უარი განუცხადებია. მას გაკვრით უხსენებია, რომ გერმანიაში დაბრუნდებოდა თუ მის ერთ-ერთ ებრაელ მეგობარს (შესაძლოა მაქს რაინჰარდტს) დართავდნენ ნებას მასთან წამოსულიყო.
[რედაქტირება] სცენა და კაბარე
[რედაქტირება] ბოლო წლები
[რედაქტირება] ფილმოგრაფია
[რედაქტირება] რადიო
[რედაქტირება] რესურსები ინტერნეტში
 |
ეს დაუსრულებელი სტატიაა პიროვნების შესახებ. თქვენ შეგიძლიათ დაეხმაროთ ვიკიპედიას და შეავსოთ იგი. |
