Heiliges Römische Reich

Us de Wikipedia

Hee di Sigg_is_op Bönnsch
(Sigge op Bönnsch)
unn jeshrivve wii_mer_t_shprish
(mieh Sigge jeshrivve wii_mer_t_shprish)

Kaiser un Kurfürste en e'ner Darstellung uss'em 17. Jahrhundert.

Heiliges Römisches Reich wor die offiziell Bezeechnung von däm Herrschaffsjebiet von dä Römisch-deutsche Kaiser vom Meddelalder beß zom Johr 1806. Dä Naam von däm Reich hätt me em Meddelalder dovon affjeleit, dat me sich op die Tradition vom antike Römische Reich beroofe wollt. Dat Helije Römische Reich eß d'r Ursprung dä jetzije Nationalstaate Deutschland un Österreich. Zor Ungerscheidung von däm 1871 jejröndete Deutsche Reich säät mer en d'r historischen Forschung och Altes Reich.

Dat Reich hätt sich em 10. Jahrhundert unger dä Dynastië von d'r Ottone uss dämm ahle karolingische Ostfrankenreich erussjebildt. Dä Naam Sacrum Imperium eß schon 1157 un dä Tittel Sacrum Romanum Imperium 1254 ierschmols urkundlich beläsch. Zick em 15. Jahrhundert däät sich allmählich dä Zosatz Deutscher Nation entwickele.

Weil dat Reich e ne öwernationale Charakter hatt, konnt et sich nie zo'nem moderne Nationalstaat wie m'r en hück kennt entwickele, sondern eß immer e monarchisch, ständejebungenet System uss Kaiser, Reichsständ un wenije jemeinsame Reichsinstitutione jeblewe.

Schon aff d'r fröhen Neuzick wor dat Reich politisch nimmie fähich sing Maach un Jebiet durch Kreesch ze verjrößere. Doher hätt me dä Rääschsschutz un de Vriddenswahrung als eijentliche Zweck vom Reich betraach. Dat Reich sollt für Ruh, Stabilität un d'r friedlichen Oplüsung von Konflikte sorge, endämm et dämm Maachstrebe Enhalt jebeede däät. Ungerdahne sollt et von d'r Willkür von d'r Landeshääre un kleenere Reichsständ vür Rääschsverletzunge stärkerer Ständ un dämm Kaiser schötze. Weil zick 1648 och Nohpere als Reichsständ singer Verfassungsordnung beijetrodde wore, hätt dat Bestohn vom Reich och noch d'r Vridde en Europa jesechert.

Dat sich dat Reich zick Mette vom 18. Jahrhundert immer wenijer jäjen innere un äußere Määchte schötze un wehre konnt, wor singe jrüßte Nohdeel un eene von dä Grönd, dat et letzendlich ungerjejange eß. Durch die Besetzunge vom Napoleon un dä Gröndung vom Rheinbund wor'et fass handlungsunfähig jewudde. Et Heilige Römische Reich Deutscher Nation eß aam 6. August 1806 met d'r Hinläjung von d'r Reichskron durch Kaiser Franz II. ungerjejange. Die öwerich jeblewene Reichskleinodië wie z.B. de Reichskron, d'r Reichsappel usw. kamme hück en Wien em Museum bewundere.