Xenophon
E Vicipaedia
Xenophontem (Graece Ξενοφῶν), Atticum filium Grylli cuiusdam, etsi, quo anno ille natus sit, incertum est, apparet tamen non ante annum a.Chr.n. 444. natum esse, quo anno Thurios ab Atheniensibus conditos esse constat.
Index |
[recensere] Vita et opera
Xenophontis vita dividi potest in partes tres. Primum enim Athenis Socrate familiariter usus, deinde in re militari versatus, denique, cum Cyrum secutus stipendiario exercito conservato Agesilaum adiuvisset, otio illo fructus est, quo libros suos conscripserit.
[recensere] Opera
Quae cum ita essent, Xenophon quantis beneficiis ex amicitia Socratis affectus esset, cum grato animo concessit, tum tribus operibus ostendit, quae ex bello Asiatico cum revertisset confecta commentarii oeconomicus convivium inscripsit. Orationem enim illam Socratis defensoris sui, quae sub illius nomine extat, suppositam esse nec ad Xenophontem referri posse sunt qui affirment.[1]
[recensere] De expeditione Persica
Virtus eius et prudentia rei militaris illuxit in memorabili quadam expeditione. Praefectus enim cohortis ille stipendia fecit cum decem Graecorum milibus sub signis Cyri, qui bellum indixerat fratri suo Artaxerxi, Persarum regi. Cyrus in pugna apud Cunaxam occubuit, eiusque copiae diffugerunt, praeter graeca auxilia, quae vim multitudinis hostium sustinuerunt. Legatus Artaxerxis, Tissaphernes, Graecis polliticus pacem, duces eorum ad colloquium convocat, congregatos nefaria fraude occidit. Ad supererat Xenophon, qui commilitones suos salutem sperare iussit et reditum in patriam, si rem strenue gererent. Graecis, cum e Babyloniae finibus essent profecti, conficiendum erat immensum itineris spatium. Quot labores et pericula perpessi sunt, quae proelia gesserunt adversus indomitas gentes! Frigus, famem, sitim per loca invia et vastas solitudines haec decem hominum milia pertulerunt. Illis modo flumina superanda fuerunt, modo inaccessi montes; nunc per calentes arenas, nunc per campos nivibus oppletos illis transeundum fuit. Xenophon, laboribus et vigiliis invictus, commilitonum animos erigebat. Tandem, quinque mensibus exactis, Graeci Mare Nigrum e summo cacumine montis adspexerunt: hic finis fuit tot laborum. Res expeditionis illius, quam duxerat, Xenophon ipse in libello notissimo absolvit.
[recensere] Opera
- Anabasis sive Expeditio Cyri : http://www.perseus.tufts.edu/cgi-bin/ptext?doc=Perseus%3Atext%3A1999.01.0201 Anabasis apud Vicifons Graeca
- Cyropaedia : http://www.perseus.tufts.edu/cgi-bin/ptext?doc=Perseus%3Atext%3A1999.01.0203
- Hellenica sive Historia Graeca : http://www.perseus.tufts.edu/cgi-bin/ptext?doc=Perseus%3Atext%3A1999.01.0205
- Memorabilia sive Commentarii : http://www.perseus.tufts.edu/cgi-bin/ptext?doc=Perseus%3Atext%3A1999.01.0207
- Apologia : http://www.perseus.tufts.edu/cgi-bin/ptext?doc=Perseus%3Atext%3A1999.01.0211%3Atext%3DApol.
- Symposium : http://www.perseus.tufts.edu/cgi-bin/ptext?doc=Perseus%3Atext%3A1999.01.0211%3Atext%3DSym. Symposium apud Vicifons Graeca
- Oeconomica : http://www.perseus.tufts.edu/cgi-bin/ptext?doc=Perseus%3Atext%3A1999.01.0211%3Atext%3DEc.
- Lacedaemonion Politeia : Apud Vicifons Graeca