FC Monnerech

Vu Wikipedia, der fräier Enzyklopedie.

FC Monnerech
Offiziellen Numm:	Football Club Mondercange
Grënnung:	1933
Stadion:	Stade Communal, Monnerech
Plazen:	3 304
President:	Georges Zorn
Trainer:	Vinicio Monacelli
Liga:	Nationaldivisioun
2005/06	Éirepromotioun, 3. Plaz
Doheem 　 Auswäerts

Den FC Monnerech (offiziell F.C. Mondercange) ass e lëtzebuergesche Foussballclub vu Monnerech a gouf 1933 gegrënnt.

D'éischt Härenequipe vu Monnerech huet an den 80er Joren nach an der zweeter, 1985/86 esouguer nach drëtter Divisioun gespillt. Vun uganks de 90er un ass et dunn -mat e puer Réckschléi- de Bierg op gang. Nodeems den Opstig 1989/90 an d'éischt Divisioun gepackt war, klemmt Monnerech schonn an der Saison drop (1990/91) an d'Éirepromotioun, kenn sech do awer net behaapten a fält direkt erëm eraus.

Tëscht 1994/95 an 1997/98 sinn déi Monnerecher nees an der Éirepromotioun a vun 1998/99 bis 2003/04 spillt de Club fir d'éischte Kéier an der Veräinsgeschicht an der Nationaldivisioun.

Enn der Saison 2005/06 wënnt Monnerech als Drëttplazéierten aus der Éirepromotioun de Barragematch géint de Leschten aus der Nationaldivisioun, den Avenir Beggen, mat 3-2 (no Verlängerung) a spillt zënterhier nees an der héchster Klass vum lëtzebuergesche Foussballchampionat.

Den FC Monnerech spillt seng Matcher am Stade Communal zu Monnerech. De Stade huet Plaz fir 3 304 Leit. Iwwerdeckt sinn 254 Sëtzplazen a 50 Stéiplazen.

[Änneren] Nationale Palmarès

Coupe de Luxembourg:

• Finalist (2x): 1999, 2000

[Änneren] Europäesch Kompetitiounen

Saison	Kompetitioun	Ronn	Land	Club	Resultat
1999/00	UEFA Cup	Q		Dinamo Bukarest	2-6, 0-7

Q = Qualifikatioun

[Änneren] Um Spaweck

• Offizielle Site vum FC Monnerech