Gielen Zwerg
Vu Wikipedia, der fräier Enzyklopedie.
E Gielen Zwerg ass e Stär vun der sougenannten Haaptrei, dat heescht, hien ass mat der Sonn a punkto Mass a Gréisst vergläichbar. D'Haaptrei mécht bal 90 Prozent vun alle Stären aus a verleeft am Hertzsprung-Russell-Diagramm diagonal vun der ieweschter Mëtt no riets ënnen zu de rouden, klenge Stären.
D'Sonn selwer gehéiert zu der Grupp vun de gielen Zwergen, déi awer - am Géigesaz zu de Begrëffer wéi Wäissen Zwerg oder Roude Ris - kee feste Begrëff ass. Et hëllt ee mat dësem Numm nëmme Bezuch op déi relativ geréng Gréisst vun dësen Duerchschnëttsstären (am Vergläich zu z. B. Roude Risen) an op déi giel Faarf. D'Faarf ass fir eng Uewerflächentemperatur vu ronn 5500 Grad Celsius typesch an entsprécht der Spektralklass G.
Déi meeschte giel Zwergestären gehéieren der Stärepopulatioun I un.
