Wenzel II. vu Lëtzebuerg
Vu Wikipedia, der fräier Enzyklopedie.
| Wenzel II. 26. Februar 1361 – 16. August 1419 |
||||||
 |
||||||
| Herzog vu Lëtzebuerg | ||||||
|---|---|---|---|---|---|---|
|
||||||
|
De Wenzel II. vu Lëtzebuerg ("de Lidderechen", och Wenzeslaus, tschechesch Václav; * 26. Februar 1361 zu Nürnberg; † 16. August 1419 op Buerg Wenzelstein, tschechesch Nový hrad u Kunratic, haut Stad Prag) war vu senger Kréinung als zweejäregem Bouf 1363 bis zu sengem Doud 1419 (als Wenzel IV.) Kinnek vu Béimen a vun 1376 bis zu senger Ofsetzung 1400 Kinnek vum Hellege Réimesche Räich. Vun 1373 bis 1378 war en och nach Kurfürst vu Branebuerg, a vun 1383 bis 1419 Herzog vu Lëtzebuerg. E war noenee mat der Johanna vu Bayern a mat der Sophie vu Bayern bestuet; déi zwéi Stéit waren ouni Kanner.
De Wenzel war den eelste Jong vum Keeser Karl I. aus deem sengem drëtte Bestietnes mam Anna vu Schweidnitz. Vu Kand un war heen als Haaptierwe virgesinn; en hat just 2 Joer, wéi en zum Kinnek vu Béimen gekréint gouf. Nom Doud vu sengem Papp 1378 ass de Wenzel him op den Troun vum Hellege Réimesche Räich nogefollegt.
Nom Doud vu sengem Monni Wenzel I., 1383, gouf en och, bis zu sengem Doud, Herzog vu Lëtzebuerg. De 26. Februar 1388 huet hien d'Herzogtum un de Jobst vu Mieren verpfänd. Nom Doud vum Jobst, 1411, huet hie probéiert, dat réckgängeg ze maachen, mee huet seng Muecht zu Lëtzebuerg schonns 1412 nees un den Antoine vun der Bourgogne ofginn, de Mann vu senger Niëss Elisabeth vu Görlitz.
De Wenzel gëtt allgemeng als Tockskapp, Paranoiker an Tyrann beschriwwen, dee fir Klengegkeete Leit hiriichte gelooss huet (kuckt den Artikel Bommenzinnes), sech et bei sou ongeféier jidderengem verduerwen huet mat deem en ze dinn hat, an deen sech soss deeglaang mat senge Muppen an engem Zëmmer agespaart huet. Vum diplomatesche Geschéck vu sengem Papp hat en net vill mat op de Wee kritt.
Do derbäi koum, dass en sech esougutt wéi guer net ëm d'Räichsaffäre gekëmmert huet. Hien huet sech och net drëms beméit, sech vum Poopst zum Keeser kréinen ze loossen. Den 20. August 1400 haten d'Kurfürsten ës genuch an hunn de Wenzel, als Lidderhanes, deen et nët wierdeg ass, d'Räich ënnert sech ze hunn, fir ofgesat erkläert.
Bis zu sengem Doud ass en awer béimesche Kinnek bliwen. Mee och do war en net beléift. D'Hussiten, déi 1419 Prag eruerwert hunn, haten ënnert anerem och dowéinst Succès domatter, well vill Leit sech hinnen aus Antipathie géigeniwwer vum Wenzel ugeschloss hunn. De Wenzel ass fortgelaf, mee kuerz drop gestuerwen.
Säi Brudder Sigismund, dee schonns 1410 däitsche Kinnek gi war, ass och seng Nofolleg als Kinnek vu Béimen ugetrueden.
[Änneren] Linken
[Änneren] Kuckt och
[Änneren] Um Spaweck
| Virgänger: Wenzel I. |
Herzog vu Lëtzebuerg 1383- 1419 |
Nofolger: Sigismund |
| Virgänger: Karl I. |
Kinnek vun Däitschland 1376 - 1400 |
Nofolger: Sigismund |
| Virgänger: Karl I. |
Kinnek vu Béimen 1363 - 1419 |
Nofolger: Sigismund |
