Biologie
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Biologie is wäördelik de lier vaan de levende natuur. Es zoe oondersjeit zie ziech vaan de natuurkónde, die ziech mèt de levenloze natuur bezeghèlt. De biologie oonderzeuk alles wat te make heet mèt organismes en heur wisselwèrking mèt de Eerde. Daobij oondersjeit me drei houfniveaus: de microbiologie, die geit euver de celstructure en de biochemie, mie in 't bezoonder euver 't DNA, de meso-biologie, euver individueel soorte of euver orgaanwèrking, en de macrobiologie, euver populaties en 't miljeu.
De biologie deilt de organismes in zes rieke op:
- Diereriek
- Riek vaan de plante (zuug plantkónde)
- Riek vaan de sjömmels
- Riek vaan de protiste
- Riek vaan de bacterieë
- Riek vaan de archeeë
Es rèscategorie kint me nog:
- Virusse
Virusse stoon tösse levende en doej materie in. De vraog of virusse leve is veural filosofisch. 't Is neet (mie) gebroekelik de virusse 'n eige riek te geve.
De rieke vaan de diere, plante, sjömmels en protiste vörme same 't domein vaan de Eukaryote, de bacterieë en de archeeë zien de Prokaryote.
| Lies van subdisciplines in de biologie | |
|---|---|
| Luuj en Gesjiedenis | Lies van bekènde Biologen - Gesjiedenis van de biologie |
| Verwante wetensjappe | Geneeskunde - Anthropologie |
