Venlo
Van Wikipedia
- Dit artikel is gesjreve in 't Mestreechs. Ómdat 't plaatsgebónje is, maogs doe 't ómzètte nao 't Venloos, as te dit dialek sjpriks.
Venlo is 'n stad en gemeinte in Noord-Limburg en is kiekend nao 't aantal inwoeners de veerde gemeinte van Hollands Limburg. Op 1 januari 2004 had ze 92.094 inwoeners.
Inhawd |
[bewirk] Dörper en gehuchte
De gemeinte Venlo besteit oet de kèrne (dörper en gehuchte):
- Venlo (stad)
- Blierik (Blerick)
- Houblierik of Holt-Blierik (Hout-Blerick)
- Belvend (Belfeld)
- D'n Bokent (Boekend)
- Sjteil (Steyl)
- Tegele (Tegelen)
- 't Ven
- De Maagdenberg, wiek (veurmalige kern)
't Venloos dialek huurt nog zjus tot 't Limburgs; 't dialek vaan Tegele is väöl zuideliker vaan aard.
[bewirk] Stadsgeziech
De stad leet aan de Maas, die de grens vormp tösse Venlo en Blierick. Bei plaatse hebbe vuul historische gebouwe, waovan aevels door gevechte in de Twiede Waereldoorlog vuul verlaore is gegaon. Toch is d'r nog vuul euver. Venlo haet nog 't bekinde stadhoës oët 1597 is nao d'n oorlog gerestaureerd.
Venlo haet ouk 't moeie Römerhoes det noa d'n oorlog volledig is gerestaureerd in d'n alde stiël.
De belangriëkste kerk is de Sint-Martinuskerk, ein hallekerk in gotische stiel. In d'n oorlog is ze groëtendeils verwoes, maar toch weer hersteld. De Sint-Joriskèrk oët 1718 is allewiels hervormp.
In de umgaeving ligke nog inkele netuurgebiede, wie "de Groëte Hei", "'t Zwarte Water" ( De Venkoelen ), 't Bookenderbós en de Baovenste Meule. Venlo is pasaan tot "greunste stad van Nederland" en in 2003 tot "greunste stad van Europa" oëtgerope.
[bewirk] Historie
Venlo mot al veur de Romeinsen tiëd ontstaon zien as "Venloa", tegeneuver 't al aldere Blierick (Blariacum) aan de Maas. De stad loog achter 'n eiland aan den ooskant van de Maas en had daodoor 'n netuurlike haven. Nao zón 600 jaor, tösse 300 en 900 nao Christus woort Venlo veur 't iers geneump. De stad bleujde aan 't ind van de Middeliëwe op as handelsstad; veur de handel woorte de Maas en d'n heerwaeg gebroek. Stadsrechte kreeg de plaats in 1343 vaan Hertog Reinoud van Gelre d'n 2e; in 1481 trooj Venlo toe tot de Hanze. In de Spaansen tiëd kwaam Venlo tot verval. Nao de Tachtigjaoregen Oorlog kwaam 't neet onder Hollands gezag, tot 1715, wie ze door de Utrechse Vrede twië jaor iërder aan de Nederlande waort toegeweze. Tösse 1830 en 1839, in de jaore van de Belgischen opstand, loog de stad in Bèls gróndgebied. In 1940, kort nao d'n Duitsen inval, woort Blierick geannexeerd. In 1944 woort ze veur ein paor maond bij Duitsland gevoog. Door 'n verschrikkelik bombardement door de geallieerde woort de halve binnestad verwoes. Vuul minse kwaame daobeej um.
[bewirk] Vastelaovend
Vastelaovend in Venlo is ein groets fiës. Idder joar vingse 't gros van de Venlonaere in de binnenstad fiëstend. Venlo wuurd neet veur niks 't stedje van lol en plezeer geneump.
[bewirk] Vereiniginge
- VVV-Venlo
- V.V.V.'03
- VHC
- CV. De Jocus
- CV. De Poerker
- CV. De Wortelepin
- CV. De Worteleschrabbers
- VV. De Kiëtbreurs v. Venlo
[bewirk] Bekinde Venlonere
- Frans Boermans, leedjessjriever
- Willem Nolens, politicus
- Boris Titulaer, zenger
- Chriet Titulaer, oetveender
- Geert Wilders, politicus
- Alphons Winters, (geb. 1906) kunstschilder
- Fons Ploemen (geb. 1949), kunstschilder
- Sef Moonen (geb. 1906), kunstschilder
- Harr Scheffer (geb. 1937), kunstschilder
- Eric Toebosch (geb. 1949), kunstschilder
[bewirk] Gebore in Tegele
- Huub Stapel, filmstaar en presentator
- André van den Heuvel, filmstaar
- Chantal Janzen, musicalstaar en presentatrice
[bewirk] Externe link
- Website vaan de gemeinte Venlo
- Venlo in Site, Kiëke in de straote, klik op de foto's um de volgende te zeeën.
- Allemaol links oét de regio Venlo
- Jocus
| Provincie Limburg | |
|---|---|
|
Árse en Velde | Baek | Baerge | Bezel | Bree | Broensem | Ech-Zöstere | Èèsjde | Gennep | Gulpe-Wittem | Haors aan de Maas | Heële | Helje | Kirchroa | Kessel | Lankgraaf | Leudaal | Maasgoew | Mael | Meersje | Mergraote | Mestreech | Mieëldere-Wânsem | Mook en Middelar | Ni-jwieërt | Nut | Óngerbenk | Remuunj | Roerdale | Sjènne | Stein | Valkeberg | Venlo | Venroj | Voelender | Vols | Wieërt | Zaerem | Zittert-Gelaen | Zumpelveld |
|
