Harry Potter
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Harry Potter is 'n fictief persoen, gesjaope door de Britse sjrijfster J.K. Rowling. Heer is de hoofpersoen vaan tot noe zes beuk die allemaol ziene naom drage en die oongekind populair gewore zien bij awwer kinder en volwassene.
Inhawd |
[bewirk] Harry Potter
Harry Potter is 'ne touveneerslierling, dee oet twie touveneers gebore is. Evels zien z'ne pa en zien ma al vreug vermaord door Voldemort, 'ne mechtege en koeje touveneer, en sinstoen is 'r opgetrokke door ziene noonk en zien tant, die 'm slech behandele. Es 'r èllef jaor is weurt 'r opgespoord door de touveneerssjaol Hogwarts (Zweinstein), woe alle touveneerskeender op mote es ze dee leeftied bereike. Harry kump dao aon en oontwikkelt ziech es 'ne goje lierling, meh raak veural eder jaor mier verwikkeld in e gevech mèt Voldemort of ein vaan zien versjijninge.
[bewirk] De cyclus
Vaan alle zes beuk die versjene zien besjrijf eder stök ein vaan zien studiejaore op Hogwarts/ Zweinstein. De deile vertoene 'n dudelike oontwikkeling vaan gewoen avonturebook tot psychologische roman, dee parallel löp aon de geis vaan zien hoofpersoen, en aonnummelik ouch die vaan de lezers. De beuk zien:
1. Harry Potter and the Philosopher's Stone (en de Steen der Wijzen)
2. Harry Potter and the Chamber of Secrets (en de Geheime Kamer)
3. Harry Potter and the Prisoner of Azkaban (en de Gevangene van Azkaban)
4. Harry Potter and the Goblet of Fire (en de Vuurbeker)
5. Harry Potter and the Order of the Phoenix (en de Orde van de Feniks)
6. Harry Potter and the Half-Blood Prince (en de Halfbloed-Prins)
7. Harry Potter and the Deathly Hallows (nog neet gepubliceerd)
De belangriekste figure in dees beuk zien wijers: Ron Weasley (Ron Wemel) en Hermione Granger (Hermelien Griffel), Harry zie beste vrun, Albus Dumbledore (Albus Perkamentus), 't sjaolhoof vaan Hogwarts/ Zweinstein, Severus Snape (Severus Sneep), lieraar touverdrenk mèt wee Harry op slechte voot steit, Hagrid, 'ne haafreus dee 't Verboje Bos bewaak.
[bewirk] Verfilminge
De ierste veer beuk zien inmiddels verfilmp. Daniel Radcliffe speult dao-in de rol vaan Harry Potter.
[bewirk] Vertaolinge
De beuk zien oetgegeve in 64 taole. De Nederlandse vertaoling weurt verzörg door Wiebe Buddingh'. 't Gief (nog) gein Limburgse versie.
[bewirk] Reacties
De beuk sloge mètein enorm aon en braoke alle verkouprecords. Verbazend väöl volwassene bleke de beuk ouch te kinne waardere. Literatuurcritici zien evels verdeild euver de beuk: väöl vaan hun koume mèt de bekinde reactie tot dit boete de literatuur vèlt, aandere wieze op de hoeg kwaliteit boemèt de beuk gesjreve zien en de noviteit vaan 't gehiel.
Orthodoxe christene höbbe hei en dao tege de beuk geageerd, umtot ze hekserij zouwe verhierlike, wat de Biebel absoluut verbejt. In de Vereinegde State is 't zelfs tot bookverbrandinge (dao 'n normaal versjijnsel) gekoume. Katholieke geistelike höbbe evels dudelik gemaak tot de beuk gei bezwoer höbbe, umtot ze christelike wierde wie trouw, ierlikheid en naosteleefde propagere.
[bewirk] Trivia
Harry Potter dreug 'ne brèl en heet vaan väöre euverhangend haor. Um die reie weurt Jan Peter Balkenende dèks "Harry Potter" geneump.
