Hubertus
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Hubertus van Luuk (Toulouse, rónd 655 - Tervuren, 30 mei 727 of 728) waor biesjop van Mestreech en Luuk. Hae ies de petroanheilige van de jach, van de Ardenne en tege hóndsdölheid. Ziene fièsdaag ies op 3 november. Op deze daag begint ouch 't jachseizoen, dat tot april zal doere.
[bewirk] Leve
Hubertus kaom oet 'n rieke familie. Hae waor de opvolger van Lambertus van Mestreech es biesjop van Mestreech en Tóngere. Umdat die plaatse allebei neet veilig waore verplaatsde hae de biesjopszetel en de relieke van ziene vermaorde veurgenger nao Luuk. Vanoet die plaats deeg hae missiewerk in Brabant en in de Ardenne. Nao ziene doad woort Hubertus opgevolg door ziene zoon Floribertus (in daen tied mochte getrouwde mansluuj nog geistelike were). Zien lichaam woort in 825 euvergebrach nao Saint-Hubert, dat doe e bedevaartsoord woort.
[bewirk] Hubertusbroad
Hubertusbroad ies gewiejd broad, dat gezegend weurt op de fièsdaag van de heilige op 3 november.
[bewirk] Legende
Wie Hubertus op Goje Vriedeg góng jage ('t waor neet gepas um dat te doon op daen daag), zoog hae 'n groat hert. Wie hae korter bie kaom en 't wol neersjete zoog hae tösje 't gewei van 't hert 'n leechgevend crucifix. 'n Sjtum zag häöm e beter leve te goon leie en nao Lambertus in Mestreech te goon. Hae góng daoheen en Lambertus zou ziene spirituele leraar were.
Van Petrus zou Hubertus 'ne sjleutel gekrege höbbe woamèt hae hóndsdölheid koes geneze. Deze sjleutel zou ouch nao de doad van Hubertus zien krach behouwte höbbe.
