Knaagdiere
Van Wikipedia
Knaagdiere of Rodentia zien 'n hiel umvangrieke orde vaan meist klein zoegdiere. Tot de knaagdiere hure o.a. muis, ratte, bevers en eikhores. De ganse orde beslaot tösse de 2.000 en 3.000 saorte. De knienachtege hure neet tot de knaagdere, meh zien wel èng draon verwant. Knaagdiere höbbe twie groete snietan. Ze zien meist herbivoor.
Knaagdiere koume op bekaans de ganse wereld veur, ouch in Australië en al ietot de Europeane dao aonkaome. Allein op Antarctica en inkel geïsoleerde eilen zien ze oonbekind.
[bewirk] Taxonomie
De groop vaan knaagdiere is groet; 't is daan ouch neet zoe vreemp tot 'rs ouch väöl femilies zien. Deze femilies weure dèks in superfemilies, infra-ordes en oonderordes gegropeerd; de middelste indeilingsgroop höbbe veer hei weggelaote.
KNAAGDIERE
- Sciurognathi (Eikhore-groop)
- Eikhores (Sciuridae)
- Bergbever (Aplodontidae)
- Bevers (Castoridae)
- Vlegende eikhores (Anomaluridae)
- Springhaze (Pedetidae)
- Goendi's (Ctenodactylidae)
- Slaopmuis (Gliridae)
- Eerdmuis (Geomyidae)
- Kangeroemuis (Heteromyidae)
- superfemilie Dipodoidea
- Springmuis (Zapodidae)
- Djerboa's (Dipodidae)
- superfemilie Muroidea
- Valse Slaopmuis (Platacanthomyidae)
- Molratte (Spalacidae)
- Dwerghamsters (Calomyscidae)
- Nesomyidae
- Hamsters en muis vaan de Nui Wereld (Cricetidae)
- Moesechtege (Muridae)
- Hystricognathi (Stekelverke-groop)
- Stekelverkes vaan de Aw Wereld (Hystricidae)
- Stekelverkes vaan de Nui Wereld (Erethizontidae)
- Reetratte (Thryonomyidae)
- Afrikaanse molratte (Bathyergidae)
- Hoetia's (Capromyidae)
- Agoeti's (Dasyproctidae)
- Pacarana's (Dinomyidae)
- Cavia's (Caviidae)
- Capibara (Hydrochoeridae)
- Chinchilla's (Chinchillidae)
- Chinchillaratte (Abrocomidae)
't Moot gezag weure tot väöl biologe aander indeilinge verdeidege.
