Ranzels
Van Wikipedia
Dit artikel is gesjreve in 't Ranzels. 't Weurt gewaardeerd óm in dit artikel 't Ranzels aan te hauwe of aan te gaeve welk anger dialek gebroek is.
't Dialek van Ranzel liekent hieël väöl op dat van Klumme. Dit kump ouch umdat de sjoeël in Klumme lik. Harie Eussen sjrieëf 'ne Klank en vormlieër van 't Ranzels en maakde 'n lies van werkwuurd in 't Ranzels dialek. Eussen beweert dat 't dialek euverein kump mèt dat van Klumme. De gehuchte Gerieësjbrich, Geweustrao höbbe get ander oetsjpraok van bepaalde wuurd en 't versjil mèt 't Sjins en 't Wieldersj is al groëter. 't Versjil mèt 't Valkebergs is bès opvallend. Klumme lik op de grens van 't versjiensel r-sjoew (r-deletie). Versjillende dialekte ten oeëste van Valkeberg laote de r in bepaalde gevalle wegvalle, vuural vuur 'n t en s aan 't woerdeind: poaët= poort, wuuëd = woorden; zjwat= zwart, Kaesjmes (kerstmis). 't Ranzels haet väöl Heeëlesje kènmerke meh gebruuk die r waal nog. De grens mèt de r-deletie löp dus ónmieddellik oeëstelik en de grens van de lidweurd d'r en g'ne löp pal westelik langs Klumme-Ranzel.
[bewirk] Sjrieversj en dichtersj
- Ger Bertholet (1948) Klumme
- Harie Eussen (1901-1954) Ranzel
- Sjang Eussen Ranzel
- Net Frederiks-Delahaye Termaar
- Maria Hoen-Delahaye Termaar
- Hub van der Maar (Huub Delahaye) Termaar