Gerieësjbrich
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Gerieësjbrich (Nederlands: Retersbeek) ies 'n buurtsjap van Klumme in de gemeinte Voelender. De ongevaer 70 häöf en hoezer liegke in lintbeboewing langs de weeg van Klumme nao Ten Esje (Ten Eschen). Parallel aan de weeg löp de Riètersjbeek, die óntsjprink in 't brónnegebeed ónder aan de Klummenderberg. Ze haet 'n lengde van 4 kilomaeter. De luuj kalle van beuvenste en undesjte Gerieësjbrich.
[bewirk] Häöf en kesjtièle
Neve de groater häöf wie de 17e-ièwse 't Häöfke, de Carishaof (1640) van mergel mèt voluutgevel, sjleetsjtein bove de poort: 1777, de Riètersjbekerhaof, de Sophiahaof en de Nieuw-hof (oet 1916) bevinge ziech 2 kesjtièle in Gerieësjbrich.
't Huuske (Huiskenshof of Huize Retersbeek) ies 'n umgrach mergele hièrehoes mèt 'ne u-vörmige haof van baksjtein debie.
Kesjtièl Ter Viere (Rivieren), sjtruim aaf gelege, sjtamp oet de 16e ièw. 't Hièrehoes haet 'ne rónne hooktore en ies ouch van mergel geboewd. De u-vörmige baksjteine haof ies oet de 18e ièw. 't Gans complex liek aan de oversj van de Riètersjbeek, de Luiperbeek en de Gelaenbaek. De eigenaer ies graaf De Marchand d' Ansembourg.
[bewirk] Beroemde inweunersj
- Hans Truyen (geb. 13-2-1928), woont op kesjtìèl 't Huuske en ies kunssjilder. In de Catharinakapel van Oud Lemiers maakde hae in 1975 expressionistische moersjilderinge.
|
|
 |
|---|---|
| Dörper: De Berg | Klumme | Kunder | Ranzel | Voelender | |
| Buurtsjappe en gehuchte: 't Breer | Dolberg | Frómmerig | Gerieësjbrich | Geweustrao | Koalmet | De Koële | Krawbich | Luuëbesj | Mingesjborg | Opsjuuëmer | Termaar | Termoorsj | De Uëverhieëk | Windjhage | |
