Termaar (Klumme)
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Termaar ies 'n buurtsjap van Klumme in de gemeinte Voelender, gelege op 't plateau in Zuud-Limburg. In 1840 sjteit 't te book es Maar en Straat en in 1866 es Maarshaal. Tösje de ouw beboewing aan de hoofsjtraot bevingk ziech eine mergele haof oet de 18e ièw ('n anker geuf 't jaortal 1742) mèt eine klokgevel. Ouch liegke d'r 'n paar vakwerkhoezer. 'n Waegkruus mèt beeld sjtamp oet de 18e ièw. Same mèt de nuuj geboewde woonwiek, in terrasse aangelag, wone d'r 500 luuj in ca 200 hoezer. In 1526 laoge d'r 12 weuninge. De sjtasie van Klumme - Ranzel liek eigelek in de del tösje Termaar en Ranzel.
[bewirk] Inwonersj
De sjriever Hub van der Maar (pseudoniem veur Huub Delahaye), zien zuustersj Net Frederix-Delahaye (sjriefster) en Maria Hoen-Delahaye (diechteres) en broor Albert Delahaye, archivaris en historicus, kómme hie vandaan. Huub, Net en Maj sjreve in 't dialek van Termaar. Dat dialek ies (bekans) geliek aan dat van Klumme. Alle kinger oet diet gehuch ginge en goon nao de liègere sjoal (basissjoal) in Klumme.
'n Ander Termaar bevingk ziech in de gemeinte Mergraote.
|
|
 |
|---|---|
| Dörper: De Berg | Klumme | Kunder | Ranzel | Voelender | |
| Buurtsjappe en gehuchte: 't Breer | Dolberg | Frómmerig | Gerieësjbrich | Geweustrao | Koalmet | De Koële | Krawbich | Luuëbesj | Mingesjborg | Opsjuuëmer | Termaar | Termoorsj | De Uëverhieëk | Windjhage | |
