Sliedrecht

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

Ligking vaan Sliedrecht in Zuid-Holland

Sliedrecht (Hollands Slierech) is 'n plaots en 'n gemeinte in de Nederlandse provincie Zuid-Holland, in de Alblasserweerd, aon de reveer de Beneden Merwede, mèt op 1 januari 2006 23.803 inwoeners en 'n oppervlak vaan 13,47 km². Binne de gemeinte ligke gein ander kerne. Sliedrecht is 'n veurstad vaan Dordrech en huurt bij de Drechtsteden.

Sliedrecht is roond 1277 es bediek stuk laand oontstoon. In 1421 struimde mèt de Elisabethsvlood 't ajdste deil vaan 't dörp eweg. Sliedrecht is laank neet mier es e dörp gewees. Vaanaof de achtiende iew begós me ziech hei mèt baggere bezeg te hawwe en in de negentiende iew woort Sliedrecht hei wereldbereump door. In 1864 woort hei veur 't iers de stoumbaggermeule touwgepas. Aon dit verleie herinnert 't baggermuseum nog. Nao d'n Twiede Wereldoorlog woort Sliedrecht veural 'n forenzeplaots veur Dordrech. D'n aonlègk vaan e groet bedrieveterrein bij 't dörp, boe-op ziech oonder mie 't allerierste warehoes vaan IKEA vestegde, brach evels ouch nui wèrkgelegeheid.