Schiedam

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

Ligking vaan Schiedam binne Zuid-Holland

Schiedam is 'n stad en gemeinte in de Nederlandse provincie Zuid-Holland, mèt per 1 juni 2005 75.066 inwoeners. De stad ligk aon d'n hook vaan de Schie en de Nui Maos, t'n ooste vaan Rotterdam. Inmiddels is 't 'n veurstad pur sang vaan dees stad.

[bewirk] Stadsfuncties

Schiedam is veural 'n slaopstad veur Rotterdam en is zoe ouch groet geweure. De sjeepsbouw is inmiddels oet de stad verdwene, en 't zjeneverstoeke is beperk tot e paar stoekerije. Schiedam heet gooj verbindinge mèt Rotterdam.

[bewirk] Stadsgeziech

Meule

Allewel tot de stad väöl nuibouwwieke kint heet 't ouch 'n intersant stadscintrum. 't Meis opvallend zien de vief stèllingmeules: ze zien de hoegste te wereld. Me heet ze zoe gebouwd veur oonder de meulenerm de pakhoezer te kinne bouwe. Ouch veent me 'n rewien in de umgeving en steit dao 'n basiliek gewijd aon Sint-Lidwina.

[bewirk] Historie

Schiedam oontstoon roond 1250 aon 'nen dam, gebouwd door edelmaan Dirk Bokel in de Schie veur 't ziewater weg te hawwe. De plaots bleujde op es handelscintrum en kraog al in 1275 stadrechte, meh góng in de veertiende iew weer t'n oonder aon de concurrentie vaan Rotterdam en Delf, welke lèste plaots tösse Rotterdam en Schiedam in Delfshave aonlag. Wel blaof de stad belangriek veur de vèsserij, veural op hering, en bleujde de devotie roond Sint-Lidwina, 'n plaotselike heilege.

Nao 'n trökval kaom de plaots in de achtiende iew weer stèrk op wie de zjeneverstoekerij dao beofend raakde. Dit had es direkte oorzaak tot d'n drankimport oet Frankriek stèlgevalle waor. In de negetiende en twintegste iew bleujde de sjeepsbouw oonder d'n ummer greujende Rotterdamsen have. Inmiddels is die ouch weer verdwene.