Täöve
Van Wikipedia
Täöve (Nederlands en Frans: Teuven) is e dörp in de taalgrensgemingde Voere in Belsj Limburg. Täöve is gelège in 't dal van de Gulp tösje velder, weie en bösj. An ing ziej is dat d'r Roewe bösj en an de anger ziej d'r Beusdelse bösj
[bewirk] Sjtraotnaamsjilder
De volgende sectie van dit artikel is gesjreve in 't Norbiks.
De sjtraotnaamsjilder ì gaans Voere zeunt eegendom van de Vlamsje partiej Voerbelange. Alle sjilder sjteunt of hange op privaatgroond. Täöve is 't innigste Voer-durp dat me bies op 't verenigingsvlak multi-cultureel kint neume.
[bewirk] Buurtsjappe
Bie Teuve huère de buurtsjappe:
- Zènneg (Sinnich)
- Gieveld (Gieveld)
- Nurep (Nurop)
- De Plaank (De Plank: Deel ten oosten van de provinciale weg)
[bewirk] Bezeenswaerdig
- 'n Neogotisch kèrkske oet 1870 mèt sjpitse toän hoëg op 'ne heuvel. 't 1-beukig geboew is opgetrokke oet brikke en gewiejd aan Sent Pieëter (Petrus).
- Diverse ouw häöf en vakwerkhoezer. E paar boerderieje zunt allewiel in functie es café-restaurant.
- Op 't kruutspunt in 't centrum sjtèt 'ne antieke waegwiezer, dae de richtinge Slenaken (Sjlennich), Eupe - Verviers en Epen (Ieëpe) - Wittem aangeuf.
- Kasjtièl de Hoof an g'n Gulp. Hie wonde in vreuger tieje de hiëre van Teuve. Naodat de Vlaamsje gemingsjap 't good in 1985 haat gegowe, wèt 't oetgebaat es hotel-restaurant.
- Kasjtièl Sinnig, 'n veurmalige abdij. Saer de Franse revolutie is 't particulier eigendom. Vanaaf 1250 wonde hie de zusters Augustinesse in 'n abdij, die vanoet Rolduc waor gesjtich. 'ne Romaanse toän va natuursjtei, daterend oet der 13e ieëw, is nog uvver oet dae tied. De veurgivvel sjtamp oet 1750 en is geboewd volges óntwerp van architect Couven oet Aoke.
- Sjtiel, depe gröbbe (o.a. in de Beusdelsebösj), deune hage en grave in 't landsjap.
