Partit dels Comunistes de Catalunya
From Wikipedia
 |
Cheest artícul al è scrivüü in koiné uçidentala, urtugrafía ünificada. |
Ul Partit dels i les Comunistes de Catalunya al è staa una descissiun pro-soviética dal del Partit Socialista Unificat de Catalunya (PSUC) vegnüda föra al 1982. Al cungress dal PSUC dal ginee dal 1981 i tees eurocumüniist alura vigeent i-è staa batüü e ul pro-soviétich Pere Ardiaca, membru íntal 1936 dal Partit Comunista de Catalunya cura ca cheest-chí al sa füsiuna cun di òltar partii par fundá ul PSUC, al è staa elengjüü nööf preseideent dal partii. La sotamissiun dal PSUC al Partit Comunista de Espanya la rendeva ul boicott di eurocumüniist püssee fàcil e Ardiaca al veniva destitüii a lüj dal medésim an. La cresseent upusizziun íntal PSUC la pròvuca l'espülsiun dal partii al daree mees dal 1981, acüsaa da frazziunalismu. Ul setuur pro-sovétich alura al lassa ul PSUC e, avriil dal 1982 sa custitüiss intal Partit dels Comunistes de Catalunya (PCC), dal quaal Ardiaca al veniva elengjüü presideent. Al 1987 ul PCC al töö paart a la creazziun da Iniciativa per Catalunya, da che al sa separa pocch dopu. Adess ul PCC al è integraa a Esquerra Unida i Alternativa.
Ul sò òrghen d'espressiun al è l Avant, e al célebra anüalmeent un fèstival, la festa d'Avant.
