Pruvincja de Brèssa
From Wikipedia
 |
Cheest artícul al è scrivüü in koiné uçidentala, urtugrafía ünificada. |
- Süperfiss: 4.784 km²
- Pupulazziun (ISTAT 2002): 1.126.249 ab.
- Densitaa: 235 ab./km²
- Nümer de cumün: 206
- Capitaal (pup. 2004): Brèssa (191.114 ab.)
La pruvincja de Brèssa la sa tröva in de la Lumbardía urientaal; la cunfina cunt la Pruvincja de Sundri a N, quela de Bergum a O, quii de Treent e Veruna a E, Cremuna e Mantua a S.
La pruvincja l'è la püssee granda de la Lumbardìa, e la tègn deent tütt i ambieent ca in Lumbardìa sa pödenn truvà: ul lach (quèll de Garda, a urieent), la pianüra, i Preaalp, i Aalp, cunt dii muntagn ch'inn tra i püssee impuneent d'Itàlia (l'è assee pensà a l'Adamèll), i runch de la Francjacurta.
Ul teritòri al quata la Val Camònica, la Val Sabia, la Val Trumpia, la còsta urientaal del lach de Isee, quèla ucidentaal del Lach de Garda, la zenta de runch e runchètt murenich, l'ólta pianüra.
La pruvincja la gh'a püssee de un miliun de abitaant; i muntagn a inn puch pupulaa, anca se ul sciröö dii valaat püssee impurtaant a l'è semper pütòost pièn de geent; i zòn bass a inn densameent pupulaa. Föra che Brèssa, citaa gròss ga n'è minga: i paesòtt püssee impurtaant a inn Munticjaar, Lümessàn, Urs Nöf, Gheet (indué a gh'è l'aerupòort).
 |
Pruvinz dela Lumbardìa | |
|---|---|---|
| Bergum | Brèssa | Còmm | Cremuna | Lecch | Lòot | Mantua | Milan | Munza e Brianza | Pavìa | Sundri | Varees | ||
