Pruvincja de Varees
From Wikipedia
 |
Cheest artícul al è scrivüü in koiné uçidentala, urtugrafía ünificada. |
- Süperfiss: 1.199 km²
- Pupulazziun (2001): 812.477 ab.
- Densitaa: 678 ab./km²
- Nümer de cumün: 141
- Capitaal (pup. 2001): Varees (80.511 ab.)
Sistemada in de la Lumbardìa ucidentaal, bagnada a O dal laach Magjuur, la cunfina a urieent cunt ul Cantun Tisin, a S cunt la pruvincja de Milan e a SO cunt la pruvincja de Nuara.
Ul sò teritori l'è furmaa in prevalenza da runch (46%) e da muntagn (32%); i part de pianüra sa trövenn dumé in del tocch püssee meridiunaal. Una carateristica del teritori varesòtt a l'è la presenza dii laach: ul laach Magjuur l'è ul püssee gross, ma gh'inn anca i laach de Varees e de Munaa.
La pupulazziun l'è densa, cuncentrada in de la part meridiunaal (de pianüra): i paees püssee gross a inn Varees, Büst, Galaraa, Saronn e, in sül laach, Lüin.
L'ecunumìa de la pruvincja l'è rica: l'agricultüra la porta via uramaj una part trascürabil de la pupulazziun, ma l'è muderna e intensiva (fiuur, agricultüra in sèra); l'indüstria l'è forta, e l'è begn spantegada in sül teritori e preseent suratütt in dii broch tessil, eletrumecanich, chimich, aerunautich (sa regordenn l'Aermacchi a Venegon e l'Agusta a Samaraa). Semper püssee impurtaant a l'è ul setuur dii servizzi: a prupositt de setuur terziari, prezziuus a inn ul türismu in süi coost del laach Magjuur e la presenza, in del cumün de Cardan, de l'aerupoort de la Malpensa, vün dii püssee graand e impurtaant d'Itàlia, famuus anca a livell cuntinentaal.
 |
Pruvinz dela Lumbardìa | |
|---|---|---|
| Bergum | Brèssa | Còmm | Cremuna | Lecch | Lòot | Mantua | Milan | Munza e Brianza | Pavìa | Sundri | Varees | ||
