Sant'Elena
From Wikipedia
 |
Cheest artícul al è scrivüü in milanees, urtugrafía clàssica. |
Sant'Elena l'è un'isula de l'ucean Atlantic centro meridiunal, situada a 15°55' di latitùdin sud e a 5° 42' di longitùdin ovest. La se troeuva à 1900 km de la costa de l'Angola.
Cuntegnüü |
[redatá] Territori
L'isula la se estend per 16 km de lunghezza e 12 de larghezza masima, cont una superfizi de 122 km2. L'isula a l'è de origin vulcaniga, custituida de la part emergiuda de un vecc vulcan suttumarin, cont el cradèr che el và giò drizz in sul mare de tri ladi, mentra che el quart ladu el se troeuva al nivell del maar. La montagna pussee alta l'è el Diana's Peak, che la riva a 824 m, de dove vegnen giò vers el mar dij vllad strett e ripid.
[redatá] Clima
El clima, che l'è influenzaa de la corent fregia del Bengala e dij alisei, l'è putost fregg, cont precipitaziun nurmaj.
[redatá] Vegetaziun
La vegetaziun l'è minga abundanta ma i zoon pussee bass een staa rimbuscaa cont dij piant che s'in importaa.
[redatá] Fauna
Anca la fauna l'è puttost povera. Carateristic de l'isula l'è un usèll, l' aegialitis Sanctae Helenae.
[redatá] Stòria
L'isula l'è stada discoverta el [18 de agust del 1502 del navigaur ppurtughees João da Nova Castella che l'ha batezada cont el nòm de la santa de quèl dì: Sant'Elena. L'isula l'era disabitada. Dopu de vess stada brevement in dij man ulandees, in del 1659 l'è stada ciapada dij inglees che gh'han postaa dij abitant bianch e dij sciaav. Del 1815 al 1821 l'è stada la prigiòn del Napuleon che l'è staa ancaa sepelii finna al 1840 quand el corp l'è staa riportaa in Francia. Al dì d'incoeu Sant'Elena l'è ancamò una culonia inglesa, da la qual i a dipender anca i isuli de Ascension, Tristan da Cunha e Gough.
[redatá] Econumìa
L'agricutùra l'è la baas ecunomica de l'isula, almen in dove el terren vulcanic el permett. La coltivazion principala l'è quèla dij pomm de tera. A gh'è anca l'alevament buvin, uvin, caprin e de animaj de curtil. In del ucean se pesca cont profitt.
[redatá] Cità principaj
Capital de l'isula l'è Jamestown, situada in su la costa à la baas de una strèta val. In Jamestown a gh'è l'inuc port de l'isula. Alter villagg famos l'è Longwood, situaa a 500 m. de altèza, in dove che l'è staa tegnuu prisunel el Napuleon.
