Santa Helena

Na Galipedia, a wikipedia en galego.

Santa Helena é unha colonia britanica do Atlántico Sur, localizada praticamente a meo do océano, mais xeralmente englobada nos territorios africanos por se encontrar máis perto de África do que da América do Sur. A colonia é constituída pola Illa de Santa Helena e por dúas dependencias moi afastadas: Ascensión, a noroeste, e Tristán da Cuña, a sur. Relativamente á illa de Santa Helena propriamente dita, o territorio máis próximo é a illa de Ascensión, seguindo a costa africana do sur de Angola e do norte da Namibia, a leste. Capital: Jamestown.

A illa foi descoberta en 1501 polo navegador galego Xoán da Nova, estando ao servizo de Portugal. Xoán da Nova dirixiase á India, tendo nesa viaxe tamén descoberto a illa de Acensión.

Portugal nunca colonizou a illa, que veu a ser ocupada pola mariña inglesa no século XIX.

Napoleón Bonaparte faleceu exilado en Santa Helena. A industria do turismo local explora moito este particular aspecto da historia, así como o calmo estilo de vida da súa poboación.

Curiosamente, Santa Helena non posue nengunha praia, sendo o seu litoral completamente rochoso. Tamén por este motivo a illa era utilizada como prisión. Non hai unha saída doada do interior da illa mais que a través da capital Jamestown.

Santa Helena non posue aeroporto, sendo todo o transporte de persoas e cargas feito a través de barcos. A illa posue un navío, chamado RMS St Helena, que fai unha ruta pasando por Inglaterra, Irlanda, Illas Canarias, Ascensión, Santa Helena, África do Sur e Namibia. A pasaxe pola Namibia é ainda experimental.

Existe un proxecto para a construcción dun aeroporto, como forma de viabilización economica da illa, principalmente a través do turismo. Santa Helena ainda depende nunha gran medida dos recursos vidos do Reino Unido.